疫苗接種︱西營盤URSUS Fitness爆疫 中山公園市民大排長龍等打針

更新時間 (HKT): 2021.03.13 18:32
提供BioNTech疫苗的中山紀念公園疫苗接種中心,人流比起提供科興疫苗的中心多。

位於西營盤的URSUS Fitness爆疫,累計99人確診,有專家擔憂群組或成「跳舞群組翻版」,港大校園亦出現個案,西營盤恐成為最新疫區。提供BioNTech疫苗的中山紀念公園疫苗接種中心外排長龍,人流比起提供科興疫苗的中心多,亦有不少巿民前來查詢。

市民嫌科興防護力低

居住在西營盤的何先生陪同家中長者到中心接種疫苗,他指整體安排流暢,對於政府讓60歲以上優先接種疫苗,與疫苗指引有出入,他指不太擔心家中長者注射後出狀況,「唔會(擔心),科興就會囉,但係其他外國(疫苗)都係60歲以上就可以打,科興係連大陸都唔建議60歲以上嘅打嘅,就唔知政府喺度做緊啲咩。」

近日國產疫苗屢爆接種後死亡個案,記者問及是否有慶幸選擇BioNTech疫苗,何則笑言:「之前都知㗎喇,都唔會揀科興,佢防護力低啲吖嘛,得嗰50%。」又認為政府若購置更多的BioNTech疫苗,或可吸引更多巿民注射。

有市民勸改打BioNTech

居住在半山的Mrs Jan,在諮詢醫生意見後,星期一決定接種BioNTech,並立刻預約。她指自己留意到今天接種中心有很多人流,猜測與URSUS Fitness的群組爆疫有關。

她指自己雖然不會健身,但經常散步,身邊的人亦有可能曾經到訪爆疫地點,因此認為必須注射疫苗,又認為只有全部人接種疫苗才可達致群體免疫,斥預約而不出現的人不負責任。

登記預約接種時段大多爆滿

在港大任職、居住在西營盤附近的Tim,一得知可以預約接種,就在星期三預約打疫苗。他得知港大有確診個案,但指自己在家工作已有一段時日,又指自己在防疫方面已盡力,亦減少出門,因此不太擔憂。

他指,若只有科興疫苗選擇,他亦會接種;但由於有更好的選擇,因此不會接種科興疫苗,又觀察到BioNTech疫苗相當受歡迎,指自己登記預約時,未來的一個多星期已只剩下今天的時段。

「唔鍾意共產黨嘅就批評科興」

居住在銅鑼灣的劉太,在BioNTech疫苗一開放便預約:「梗係揀個高啲(有效比率)嘅打啦。」她又稱,因為自己會回內地,始終認為接種疫苗較安心,即使只有科興疫苗亦會注射:「如果真係無得選擇,咁就無辦法,都會打嘅,就保障吓自己啦。」

同行的劉先生斥有人將疫苗「政治化」,「帶有啲政治色彩嘅嘢,佢唔鍾意共產黨嘅,咪話你個科興(疫苗)點樣點樣(批評),就係咁簡單。實際乜嘢疫苗都係有危險嘅,係咪呀,你只係打個感冒嗰啲(疫苗),你唔啱一樣係死㗎?」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner