子女開Patreon 讓譚文豪重溫生活點滴

更新時間 (HKT): 2021.03.13 02:00
■譚文豪(圓圖)兒子在功課上畫了一幅一家四口的全家福。互聯網

【本報訊】遭還柙的公民黨譚文豪和民主黨尹兆堅,其家人及團隊替二人開設Patreon收費頻道,希望支持者能在艱難時刻,透過訂閱向二人送上支持。

有一對孿生子女的譚文豪,由太太主理「大氣層內的龍鳳B」Patreon頻道,譚曾訴說對一對子女的思念,令人動容,該Patreon專頁將記錄譚一對子女的生活點滴,讓他日後可以重溫。

尹兆堅團隊籲訂閱

譚太在首篇收費帖文指,自己前晚替子女檢查功課,老師請譚的兒子畫一幅感恩的圖畫,他畫了一幅一家四口的「全家福」,令譚太感到欣慰,她向譚承諾會好好照顧一對子女:「半夜佢(兒子)發惡夢走咗入我間房,問爸爸喺邊度⋯⋯諗起爸爸以前無論幾忙,都一定會抽時間陪龍鳳B玩、檢查功課、講古仔畀佢哋聽。呢段時間佢哋兩個未能夠見到爸爸,但係都好乖,識得自動波坐定定做功課、左砌右砌出唔同有創意嘅lego組合、畫咗好多好多靚畫,錫住我唔使我勞氣。」

尹兆堅團隊亦開設「尹兆堅 - 堅和你分享Patreon」頻道,呼籲「訂閱阿尹Patreon,繼續同阿尹傾偈!」團隊指將會記下過往與尹相處點滴,透過Patreon讓大家認識尹的另一面,尹的太太、女兒亦把家書上載。團隊引述尹指,他不會放棄,「希望大家都要保重,係黑暗同悲傷嘅時候仍然堅持信念,香港人加油!」

一格照片,一個故事,Follow蘋果Instagram!
BannerBanner