47民主派被控︱劉定成同探望 續還柙長毛引陳獨秀:行無愧怍心常坦

更新時間 (HKT): 2021.03.14 15:37

因參與民主派初選,被控「顛覆國家政權罪」的47名人士,除獲保釋的數人外,大部份已還柙約2星期。今日繼續有還押人士親友到荔枝角收押所探望,其中「長毛」梁國雄透過戰友引述陳獨秀等詩句「行無愧怍心常坦,身處艱難氣若虹」,向港人表達其堅定意志;至於明日將就保釋覆核上庭的施德來,其太太探訪後指,夫妻倆已做好保釋遭撤回的心理準備,但強調他們身為教徒,會「繼續相信同盼望」。

長毛引陳獨秀于謙詩句:問心無愧

社民連吳文遠、黃浩銘及富商劉定成,今日結伴探望「長毛」梁國雄及岑子杰。黃浩銘指,長毛引述了兩位前人的詩句,希望向香港人表達自己對所做之事問心無愧,包括陳獨秀的「行無愧怍心常坦,身處艱難氣若虹」,以及于謙的「粉身碎骨全不怕,要留清白在人間」。黃又稱,長毛正在閱讀一本關於台灣美麗島事件的書,提到事件於1979年12月10日發生,至翌年3月正審,指雖然眾民主派於2月28日被正式拘押,但「大家見到香港今日嘅司法進度,快必(譚得志)都未審先坐9個月,可想而言呢47人,正審隨時係一年半後」,批評情況極不理想。

黃浩銘續指,今日亦為長毛帶了一本《聖經》,但指對方並不是基督徒,自己亦不是向他推介耶穌,只是希望長毛從聖經故事中得到啟發。黃又勉勵望香港人繼續奮鬥,為民主發聲,以及鼓勵港人多寫信給還押人士,「多啲寫信、彼此交流、互相鼓勵,係呢個時間都係好重要」。

岑子杰着劉定成代保平安

探望岑子杰的劉定成指,在探訪室見到一眾民主派人士,包括胡志偉、李予信及長毛,形容他們均很樂觀、保持笑容,其中岑亦着他代為保平安,「同香港市民講,佢哋好好、冇乜大不了嘅事發生」。至於還押人士有權訂購的「私飯」,劉指岑「唔想食,因為太貴,8,000幾蚊一個月」,但自己則勸他「要就開聲,一定要食,唔好去適應裏頭嘅文化」。劉續指,作為升斗市民必須支持民主派人士,「(探監)監獄、(聲援)法院、街站,同埋支持啲黃店,其他嘢做得幾多得幾多」。

原獲准保釋的施德來,明日(15日)將就律政司的保釋覆核上庭應訊,其妻子今早探訪後指,因難以估計保釋準則,故夫妻倆已做好心理準備,「因為唔知結果會點,都問定佢如果聽日出唔到嚟,有啲乜嘢物資需要,或者有啲咩人想見」,但強調會以平常心對待,「繼續相信及盼望……當然最希望佢聽日出得返嚟」。她又指,施今日精神不錯,已開始適應還柙生活,「多咗時間閱讀,但都會擔心出邊嘅生活點,同佢報咗平安」。

女友每日來信被審查 劉頴匡僅收3封

自還柙以來,幾乎每天都有探望劉頴匡的女友黃于喬指,劉頴匡非常關心其他人的保釋上訴事宜,「問我出邊有冇啲旁聽師講話咩準則,點解呢個得、嗰個唔得?我嘅講法就係,就算你問律師都未必答到你個準則係乜嘢」。她對此亦表示無奈,惟有着劉「自己揣摩吓」。至於為何劉放棄覆核保釋申請的權利,黃指該經考慮後認為該程序未必適合,「可能會用另一個程序去做,假設要上訴嘅話」。

黃于喬又指,劉頴匡今日精神尚算飽滿,「以前喺出邊,好多嘢忙好多嘢諗,個黑眼圈都比較大,但入到去,反而冇乜特別嘢做,生活比較規律」。她又指,兩人每天都有互相寫信給對方,但因懲教署須審查信件,故劉至今僅收到3封。

李予信亦有兩位朋友到場探訪。他們離開時表示,李「冇乜嘢,都係咁」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner