寫給47人的家書︱鍾錦麟,一定要影番張合照呀!

更新時間 (HKT): 2021.03.17 00:10

47名民主派因參加初選被控違反《國安法》下的串謀顛覆政權罪,至今僅11人,即劉偉聰、呂智恆、楊雪盈、林景楠、黃碧雲、鄭達鴻、彭卓棋、柯耀林、何啟明、施德來及李予信獲准保釋。不見天日的歲月,或許很漫長,《蘋果》邀請牆外的人將思念化為家書,默默向被囚者打氣。

Ben,

記唔記得我同你及區諾軒,同期出道,同期當選,甚至係同年齡當選?

記得有一日,你笑住同我講:「我哋三個仲未影過一張合照喎!」我笑咗一笑,然後就走咗,唔係因為我「寸」或者「高傲」,而係本身我就係有性格障礙,我就係驚同其他人混熟、永遠會對「同行」充滿戒心,假面具總係掛喺臉上。但阿Ben你永遠對我伸出善意嘅手,約我下午茶;搬去馬鞍山後又探訪我辦事處,想多個朋友,我係知道嘅。

近日睇親47人案嘅新聞,我同辦事處同事好多時都會忍唔住喊,入面有好多我哋嘅朋友;Ben,我哋之後一定要好好坐低,仲要影一張咁多年嚟都影唔到嘅合照,除此之外,承諾終生請你哋食下午茶,因為身為香港人嘅我,是欠你哋嘅。

沙田區議員麥仔

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner