47民主派被控︱劉頴匡親筆信述父探監曾問「有冇揀錯路」:關心社會糾正不公 點可能係錯?

更新時間 (HKT): 2021.03.19 12:20

因參與或組織民主派初選而被控串謀顛覆國家政權,未能保釋的47人之一劉頴匡,在獄中信透露曾被父親問到「你有冇覺得自己揀(錯)咗路?」劉雖向父親表示「當初冇人估到會咁」,但其實心裡覺得,關心社會、想糾正社會上不公平和不合理的事、著迷和熱愛自己地方的文化,「點可能有錯?」強調「追求夢想,追求到可以打入奧運,冇可能係錯。」

劉頴匡的女友黃于喬透過社交網站,公開劉頴匡的獄中來信。劉表示父親探訪他時,仍然問他有否選錯路,他只能向父親說「當初冇人估到會咁。」不過他續指,更真實的答案是即使明知如此,「我可能都會選擇參與政治、關心社會。」

「好似運動員奧運都會輸 但唔可以用當初揀條路係啱或錯形容」

劉提出到,「對自己身處嘅文化著迷熱愛、想法守護」,「對於社會唔公平、唔合理嘅事去表態,想去糾正」,「點可能有錯?」他亦舉例稱,「就好似運動員去到奧運都一樣會輸,但唔可以用佢當初揀運動呢條路係啱抑或錯嚟形容。」他亦坦言「我只能承認我輸咗」,不過「追求夢想,追求到可以打入奧運,冇可能係錯。」

黃于喬則表示,劉的獄中生活千篇一律,近日劉正申請貼信封的工作,又打趣指,「據說,會考拔尖入中大嘅佢(劉頴匡),呢個工作就處理得麻麻。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner