47民主派被控︱劉慧卿梁繼昌結伴探胡志偉代傳話勉牢外人:出面撐得住 牆內嘅人一樣撐得住

更新時間 (HKT): 2021.03.19 12:03

47人因參與民主派初選被控「顛覆國家政權罪」,當中僅11人獲淮保釋,其餘人士繼續被還押,早前提出保釋覆核的5名被告今亦宣告放棄申請。而在荔枝角收押所外,今早繼續有親友探望被囚人士,包括民主黨前主席劉慧卿、前會計界立法會議員梁繼昌、「長毛」太太陳寶瑩、劉頴匡女友黃于喬(Emilia)和沙田區區議員陳兆陽。

劉慧卿今早約8時偕同梁繼昌到收押所探望黨友胡志偉,離開時表示胡「好精神,(狀況)好好」,欲透過她鼓勵支持者,「出面撐得住,牆內嘅人一樣撐得住嘅」,她對胡抱正能量感到高興,「咁我哋一定要撐啦」。梁亦指,胡是他的中學同學,探望時亦感到胡有精神,亦因作息定時,多了很多時間閲讀,「佢話鍾意睇啲學術性嘅文章,希望朋友們多啲寄俾佢睇」,他亦已訂閱《蘋果》。

長毛收信多 謝支持者關心

陳寶瑩説,長毛向她表示在獄中收到很多市民來信,很感謝支持者的關心,現時身體健康各方面都沒問題,「叫大家唔使擔心佢」。而今早探訪時,她亦感到長毛精神狀況好,但因牽涉其他案件近期需頻頻上庭,「佢早出晚歸,所以仲未見到福利官」,部份物資仍未趕及申請,又指早前「連『放風』都冇時間」,暫未有機會在牆內碰見其他被告。

劉頴匡感激球迷港超聯賽高叫「撐手足」聲援

黃于喬説劉頴匡精神算飽滿,「雖然喺入面,成日自己一個,又悶」,但總算培養了早睡早起的習慣,讚揚他今日罕有地留意到她髮型有轉變。她説,劉即使在囚亦盡力緊貼時事,十分關注同案被告的保釋覆核申請,希望自己不會和社會脱節。

同行的陳兆陽説,劉在獄中閲報時留意到有球迷在港超聯賽進行到47分鐘時,拍掌高叫「撐手足」 聲援他們一眾被告,十分感謝港人支持和持續關注,「我都同佢講咗今晚會有場大戰(傑志迎戰東方龍獅),可惜佢睇唔到,希望香港人繼續支持佢哋」。他又引述劉慨嘆,希望離開收押所後香港仍然有「港超」,「唔好變咗大灣超」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner