私了勝和仔 元朗三村民被捕

更新時間 (HKT): 2021.03.22 02:00

【本報訊】一名長髮男上周五凌晨走進元朗廈村錫降圍,疑用電筒從窗口照射多間村屋,被懷疑踩線企圖爆竊,遭約五名村民截停再以亂棍圍毆。長髮男自稱黑幫勝和成員卻遭反問「勝和唔打得你啊?」短片昨瘋傳,有網民質疑村民濫用私刑,「元朗國啲人真係好惡」;警方昨拘捕三名涉案男子。

全片長四分鐘,一名30歲長髮男坐在地上遭五名持木棍及電筒的大漢包圍:「你喺呢度做乜?唔講就打X你!你想斷手定斷腳?」長髮男稱其貨倉在附近,前來熟習環境,又自稱錫降圍居民,被駁斥「你當我儍仔呀?咁夜入嚟?你跟邊X個啊?」五漢要他出示身份證明,多次棍扑他的頭及手腳,直捅心口,逼他講出「大佬」姓名及電話。

網民:元朗國啲人好惡

長髮男抱頭求饒,自稱勝和「朱恆(音)」手下,自己叫「多龍(音)」,大漢反問:「即係勝和仔啦!勝和唔打得你啊?」、「你係咪踩線呀?夜孖孖嚟睇倉?你俾人打死都抵呀。」亦有人勸阻着「打腳,唔好打頭。」最終有人聯絡到朱確認身份,並稱「我哋以為佢爆格……我教訓咗佢啦,𠵱家停。」

據知事發上周五凌晨4時許,長髮男被發現在錫降圍以電筒從窗口照射多間村屋,遭五漢追至羅屋村擒獲,被「整頓」後獲放行。有網民質疑濫用私刑,「元朗國啲人好惡」、「惡人大晒咩」。警方指遇襲李姓男(30歲)頭胸及背部受傷,自行前往醫院求醫;昨拘捕三名本地男子(38至42歲),涉襲擊致造成實際身體傷害,一人扣查。

一格照片,一個故事,Follow蘋果Instagram!
BannerBanner