5歲女童虐殺案 繼母微信丈夫:仆街,條臭X又瀨屎

更新時間 (HKT): 2021.03.25 18:31

5歲女童疑遭生父及繼母虐待致死,案件續審,繼母下午繼續自辯,接受控方盤問。主控庭上讀出多條她與丈夫之間的微信對話,包括她向丈夫指「再打驚小朋友成個星期返唔到學」,丈夫卻回覆:「狠打!打!打!打到佢驚!」而從對話中,繼母曾透露女童「個背脊瘀晒,個pat對上腫腫哋」,又指女童雙手有瘀血,其間繼母又投訴謂:「仆街,條臭X又瀨屎。」

案發於2017年8月至2018年1月,首被告與次被告分別是女童Z及男童Y的親父及繼母,兩被告均否認謀殺Z。女童Y則為次被告的親生女兒。

繼母早上自辯時強調「我真係有攞個心嚟錫佢哋」,揚言將兩童視如己出。她於今午再指,起初曾嘗試與兩童溝通,但不獲兩童理睬,因此才憤而打兩人。

兩童搬屋4天已被打

控方則指,繼母由頭到尾均只採取體罰的管教方式。根據兩被告之間的的訊息,兩童搬進新居4日後已經被打。而兩童搬進新居一星期後,繼母已告訴丈夫「再打驚小朋友成個星期返唔到學」,親父卻回覆:「狠打!打!打!打到佢驚!」

控方續指,兩被告亦於同年11月連續三天讓女童挨餓。繼母承認沒有給女童食物,「係做得唔啱」。她其後解釋,女童偶爾會不肯進食,惟自己實不應與女童鬥「硬頸」,不給食物。

繼母指兩童曾聲稱「你煮嘅嘢我唔會食、你煲嘅水我唔會飲、你洗嘅衫我唔會著」,她承認曾綁著兩童,只是不想讓他們搣傷口,以及讓女童不要偷食物;若兩童做好本份,「我咩都會畀佢」。控方質問,繼母不斷讓女童挨餓,卻反過來怪她偷食物,繼母只回答是自己不對。

控方遂讀出兩被告的對話,繼母指女童「成身藤條痕,綁住佢!綁鐵閘!佢做唔到啲咩」,又形容女童「個背脊瘀晒,個pat對上腫腫哋」,又指女童雙手有瘀血。聆訊明續。

【案件編號:HCCC28/20】

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner