Lunch哥狙擊「藍神」與粉絲口角

更新時間 (HKT): 2021.03.25 02:00
■楊明昨午甫抵達法院,Lunch哥即舉起「祝藍神楊明人生變得更加精彩」紙張狙擊。李家皓攝

【本報訊】楊明和女友莊思明昨午1時50分同坐白色七人車抵達法院,兩人下車時,「Lunch哥」李國永走到身旁舉紙並呼喊「藍神楊明人生更精采,支持佢入荔枝角坐監」。楊明和莊思明充耳不聞進入法院,Lunch哥亦跟隨進庭聽審。

阮民安:律政司點解唔上訴

繼去年12月楊明到法院應訊,Lunch哥昨再度現身呼籲楊明承擔法律責任。庭上法官宣判前,楊明和莊思明神情緊張,當宣告還柙時楊明低頭,明顯感到無奈失望。庭內有女fans哭喊,Lunch哥即拍手,兩人其後在庭外口角。

藝人阮民安得知楊明一案的裁決後,以短訊回覆本報指︰「為咗呢種慣犯×頭,法庭再一次表演司法不公。總之撐警,就車斷人哋對腳、醉駕都冇事,明明周街斬人,都可以話係去買燉蛋,最後又係會冇事。律政司咁鍾意上訴,今次點解唔上訴嘅?最後講多個笑話『香港仲有法治』。」王宗堯回應指︰「冇意見,因為已經覺得係一種香港新常態,與其關心佢不如關心吓(民主派)47人or蔡玉玲。」

時事評論員潘小濤在facebook留言謂「燉湯明之勝,香港司法制度之敗!」YouTuber大J對裁決表示「不意外」。渣哥在Instagram上載有關楊明案裁決的新聞圖片,並留言說:「佢,一直撐警!佢,只有兩次案底!佢⋯⋯如無意外應該可能或者有機會係一個好人⋯⋯除非唔係!」林作亦在Instagram留言:「我師傅清洪,認真係大師級、咁都搞得掂。將來瀨嘢一定搵佢。」