港人夫婦對港教育失信心 預留1,500萬盼移民澳洲 斥港司法制度「笑話嚟」冇保障

更新時間 (HKT): 2021.03.28 00:55
香港首屆「國際移民及置業博覽」今起一連兩日在灣仔會議展覽中心舉行,中午入場人流不斷。本報記者攝

本港政局動盪引發移民潮,有打算移民澳洲的夫婦表示,本港教育制度過份着重學術,政治不穩亦令教育政策不斷改變,直言教育局宣佈改革通識科,對本地教育制度已失去信心,為子女着想只好移民。他們亦批評本港司法制度似乎已滲透了政治力量,戴上有色眼鏡判案,故打算一家5口移民。

一家5口的陳先生和陳太考慮移民到澳洲,因夫婦二人早年在當地讀書,為子女教育和前途着想,已預留約1,500萬元到當地置業和定居,希望於兩年內移民。陳生指,本港教育制度過份側重於學術,加上本港政治因素不穩定,令教育政策不斷改變,擔心將來子女的思維受局限,不利成長。

「做生意同官二代爭執,司法制度係咪保障到我?」

他說,從2014年雨傘運動起已思考移民,擔心香港趨向融入內地制度,「唔知幾時(政府)索性攞起個border(邊境)」,促使他們一家移民的決心。他又直言,本港司法制度似乎已滲透了政治力量,「每日都係笑話嚟⋯⋯好多官已經唔中立,戴住有色眼鏡去判案」。他指,香港的核心價值本是司法制度和言論自由,「而家司法搞到咁,咁我嘅人身安全保障點算?如果有一日,我做生意同官二代、親中人士有爭執,司法制度係咪保障到我應有嘅權益?」

陳太指,教育局宣佈改革通職科亦令她對本地教育制度失去信心,「教育局個安排係點,(學校)就將啲思想塞畀啲細路,絕對會影響思維,除非家長好大自己一套方法灌輸畀小朋友,其實啱同錯,學校教咩,小朋友將來個諗法就係點樣」。她期望子女在外國升學可培養批判性思考,「可以隨時舉手發問,表達唔同意、有自己嘅諗法,而唔係香港咁只係得一套標準答案」。

OL:無論點都一定會走

約30歲的文職人員黃小姐說,考慮移民加拿大或歐洲國家,主要因本港政治環境轉差而離開 ,「呢兩年發生嘅所有嘢都令我想走⋯⋯即使係好細微嘅政策,例如打疫苗啲安排,都根本唔係路,背後其實係一啲政治操作」,認為如繼續留港生活,情緒只會越來越低落。她直言,雖然移民計劃仍在初步階段,但不會因資金少卻步,「會foul走啲好貴嘅投資移民,但無論點都一定會走」,即使出動千方百計亦非走不可。

任職金融業的Ice指,過去半年已做定功課準備移民,打算去英國或台灣,預視香港社會環境持續下去,「喺外地會過得開心啲」,比原定計劃打算提早離開,已有心理準備在異地重新開始。

退休人士陳太考慮投資移民台灣,主要考慮香港生活指數太高,「同樣一萬蚊港紙,喺香港唔夠夠使,淨係租屋已經唔得啦,喺台灣已經好舒服啦」,考慮到天氣和適應問題,會優先考慮東南亞國家。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner