岑子杰受靶 黃浩銘補位  
鎮守議辦派口罩 街坊送鳳梨打氣

更新時間 (HKT): 2021.03.28 02:00

【本報訊】社民連沙田區議員岑子杰因參加初選被控串謀顛覆國家政權罪,還柙至今,但其地區議辦未因此「停業」,由多年戰友、社民連主席黃浩銘「補位」服務巿民;街坊也不離不棄,甚至倡自行「夾錢」續租岑辦舖位留住聚腳地。黃浩銘直指,對還柙民主派最好的鼓勵,就是堅守崗位,繼續發聲,他近日便在地區繼續向街坊派發口罩,「(想)畀Jimmy(岑)知道,佢喺裏面受緊靶、受緊苦,但我哋喺出面嘅人,會繼續努力」。

記者:林俊謙

「好多瀝源區街坊好擔心佢(岑),亦為佢感到好難過」,黃浩銘接受本報訪問時指,岑被捕還柙,不少街坊心情受影響,但未有灰心喪志,記者採訪當日就見到,岑辦內放滿零食及近期大熱的台灣鳳梨,原來全是街坊自發送來打氣。就算岑暫時「告別」,仍有不少街坊繼續到其議辦求助。

有別於單向接收政黨派發「蛇齋餅糭」的社區,黃浩銘指瀝源區的街坊十分可愛,不時反過來向岑辦捐出物資,包括口罩:「最近有善心街坊捐出口罩,我哋就發動街坊,喺公屋社區再派一次口罩,都係希望可以做到啲嘢,畀Jimmy知道佢喺裏面受緊靶、受緊苦,但我哋出面嘅人會繼續努力,希望可以透過我哋嘅行動為佢打氣。」

街坊冀夾錢續租議辦

黃浩銘過去一直與岑合力處理瀝源的地區問題,如三次火災及防疫安排;岑還柙前,兩人亦有商討地區工作計劃,包括為區內長者進一步提供物資,以及完善區內無障礙通道和增設升降機,黃說:「呢啲(項目)目前有啲眉目,但要繼續做。」

但面對區議員需要宣誓的立法安排,加上親共傳媒稱岑子杰在DQ「死亡名單」,黃直指已有心理準備岑或遭政權無理DQ,透露有街坊近日建議自發「夾錢」,讓社民連續租現有議辦舖位服務街坊。他對街坊的支持表示感動,認為民主派未來即使絕迹議會,亦不應放棄在其他平台連繫社區,要爭取最多的民主陣地,包括業主立案法團。

曾因佔中案被判囚八個月的他呼籲,關心岑子杰和其他被捕民主派的巿民不妨多寫信鼓勵他們,因為獄中生活枯燥刻板,容易令人對外間的人和事感覺模糊,「每個在囚嘅人都會好渴望,派信員嗌號碼時,會嗌到自己個名,個個都衝出去攞信,因為呢個可以畀到佢喺咁刻板嘅生活入面,添返一啲色彩」。

冒清算風險揭穿謊言

對於中共透過國安法大舉拘捕47名民主派,黃浩銘形容如同對民主派進行「斬首行動」,認為中共目前最想民主派分散,「唔好再搞政治」,並以「分而治之、逐個擊破」的方法擊破民陣、支聯會等組織,指港人未來更應「逆道而行」,以更團結的態度面對,堅守崗位盡力發聲,「無辦法,因為我哋係啱,你哋(中共)係不義,點解我要放棄(香港)呢個地方?」

面對社民連核心成員先後受打壓,包括岑子杰、梁國雄因初選被捕還柙,陳皓桓因任民陣召集人被中共「清算」,吳文遠亦被藍絲指控「普通襲擊」被捕,該黨早前仍在港澳辦副主任張曉明到港出席座談會期間到場外示威,黃浩銘不諱言在政治「龍捲風」下,舉行上述示威前思考過風險問題,但決定照做,「因為你唔去咁樣講(表達意見)嘅時候,成個社會就會變得好似無意見,或者你眼望我眼。即使我改變唔到啲乜,我都要做『國王的新衣』裏面嗰個小朋友,我影響唔到個國王,但要做嗰個小朋友,要指出個國王係無着衫,就係咁簡單」。

一格照片,一個故事,Follow蘋果Instagram!
BannerBanner