一晚駕兩退役巴 車長:好fantasy

更新時間 (HKT): 2021.03.28 02:00
■車迷獲城巴安排同型號巴士接到沙田總站,到站後仍繼續拍照;有職員舉牌提示各人安靜。

【本報訊】兩輛城巴三叉戟三型巴士前晚相繼退役是巴士迷盛事,連城巴亦在fb發片「把握機會說再見Dennis Trident」,豈料前晚編號「2312」的88R城巴在最後一程於獅隧內死火「跪低」,令車上巴士迷添上奇遇,更奇是城巴安排另一輛同日退役同型號巴士接走巴士迷,令一眾「巴膠」一晚坐兩架退役巴士。儘管結局不完美,但原本駕「2312」的車長對一晚駕駛兩架退役巴士,至今回味無窮「成件事fantasy咗十倍,揸咁多年巴士,真係最難忘一晚」。

該車長昨清晨在fb分享感受,直言由知道當晚有機會駕駛退役的88R線巴士感到「好fantasy」,又指「上半場尚算順利」,去到終極尾車「將成件事fantasy左十倍」,因為「上完映月台入獅隧,奇妙嘅事就發生」,事緣巴士在獅隧內壞車。

「可以寫落歷史名冊」

他指最夢幻是駕駛兩輛同日退役城巴,有好多人生中第一次,「第一次喺隧道壞車過客,第一次喺隧道咁樣行嚟行去,第一次做街客單咁送別車型,第一次咁樣一個單揸兩架車」,形容「呢一役可以寫落歷史名冊」。

一格照片,一個故事,Follow蘋果Instagram!
BannerBanner