西環集中營︰北京拉攏溫和民主派「食檸檬」(季陶)

更新時間 (HKT): 2021.03.29 02:00
■北京人民大會堂

人大常委會今明兩日開會,通過「完善」香港選舉制度方案已寫在牆上,雖然港澳辦常務副主任張曉明之前來港搞了多場座談會,但出席者均為建制或親建制人士,完全欠代表性。有政界中人透露,北京或許覺得完全沒有民主派的座談會,觀感上也不太好看,他聽聞北京曾找人拉線,想請一些溫和的「真民主派」參加座談會,「但係最後冇人肯答應出席,最後只得狄志遠呢類『民主派』撐場」。

立會清一色建制「唔好睇」

該政界人士指,早前北京講過日後立法會不想「清一色」,仍然希望可以有「混一色」,「最希望有民主派『改過自身』,畀佢哋參選贏返幾個位」,因為若日後立會「清一色」只有建制派,「其實都幾唔好睇」,所以北京至今未完全封死所有民主派參選的可能性,甚至想拉攏一些溫和民主派「迷途知返」。他據聞北京想請溫和民主派出席香港選舉制度座談會,「但聽聞冇人應承,相信好多人覺得根本北京已拍晒板,根本改變唔到乜嘢,更加唔想做政治花瓶」。

另一民主派直言,雖然他沒有收到邀請,但料民主派內沒有人會肯出席座談會,「咁多參加初選嘅民主派人士被拉,如果仲有民主派嘅人去座談會,點同坐緊嘅兄弟交代?」民主派日後會否再派人選選委及立會,他直言現在言之尚早,但不違言早前與一些年輕民主派人士討論,「呢班人之前都仲有心去選,但自從北京個『完善』香港選舉制度方案出台,好多人熱誠已冷咗大半」,他指日後參選不再只是「有冇得選、選唔選到嘅問題」,而是一旦被DQ參選資格,「即係話你唔係愛國人士,隨時會惹埋官非,咁樣又何必自找麻煩去選呢?」

季陶

周一及周五刊出

一格照片,一個故事,Follow蘋果Instagram!
BannerBanner