清算港台︱《五夜講場》事隔一日翻生 主持鄧小樺:拍完之後會唔會抽就唔知喇

更新時間 (HKT): 2021.03.30 18:54

港台王牌清談節目《五夜講場》再有新進展。日前有消息指,《五夜講場》被廣播處長李百全下令叫停製作,直至獲管理層審批通過。事隔一日,港台回覆指,《五》將會如期播放,沒有計劃停播,惟未有交代會否撤換節目主持、嘉賓等。《五夜講場:文學放得開》主持之一的鄧小樺指,剛接獲通知節目可繼續錄影,主持及主題依舊,但坦言「拍完之後佢會唔會抽就唔知喇」。

鄧小樺:目前拍攝談及的內容及主題依舊

為《五夜講場:文學放得開》擔任主持的鄧小樺指,今天剛剛收到通知,指節目仍然可以繼續錄影,明天(31日)將再錄影新一季度,「我哋以往係一季拍30幾集咁,都會keep(一直)住拍落去」。原班人馬亦會重新上陣,暫未有撤換主持情況,「即係佢(港台)棘咗、停咗我哋一日咁」。

對於港台近日多次抽起節目,又一度叫停《五夜講場》製作,會否令主持做節目時更小心。鄧小樺指,目前拍攝談及的內容及主題依舊,未有重新構思其他內容,「呢個時候好難講,拍完之後佢會唔會抽就唔知喇」。鄧笑言,《五夜》一眾主持一向言行小心,「不嬲都小心,不嬲都有廣管局(《廣播事務管理局條例》)㗎啦」,惟坦言觀察到港台的製作團隊「好大壓力」,「又唔知啲審批會點,其實係都唔知審批緊啲乜!」。

「懲罰緊用心製作嘅工作人員」

繼《議事論事》、《香港故事》後,日前訪問中大學生會內閣「朔夜」的一集《鏗鏘集》再遭「毒手」抽起。鄧小樺指,自己作為港台多年觀眾,對港台此舉感到「好難過」,「咁多年嚟都無見過,對於原來會抽節目係覺得好震撼」。她形容,涉事的港台節目內容均十分正常,「一直都係我哋睇開嘅嘢,作為港台觀眾,我覺得好不被尊重,亦都係懲罰緊用心製作嘅工作人員」。

《五夜講場:學人串社科》主持之一的中大通識講師黃宇軒指,今天同樣收到製作團隊通知,節目將會繼續錄影,同樣以原班人馬上陣,「以前一路都係話加人(主持),未聽過有減人」。接下來將會開始構思討論主題,約好嘉賓時間便會投入製作。他指,製作團隊未有解釋為何節目可突然「翻生」,自己亦未有追問,「都費是特登問,都係停咗一日」。

被問到將來會否構思節目內容「小心啲」,黃宇軒指,《學人串社科》以往所討論的話題其實並不太多觸及香港時事議題,反而是偏向學術「好似上一季最尾幾集,有一集都係講下啲香港文化嘅硬件嘢,反而時事題目我哋唔係太想傾,因為都有好多節目講緊嗰啲嘢」。不過,他認為「抽節目」一事,或會令不同主持可能會比較注意言行。

黃宇軒:倘有兩句唔出得 應唔會剪 係成集抽

黃宇軒續指,由於《五夜講場》的拍攝屬「一take過」,「嗰50分鐘都唔會剪接,一次過傾成集就出街」。因此,他指,假如當中有部份內容被指「有問題」,相信亦有機會被整集抽起,「我見其他主持都有講起呢樣嘢,如果有人覺得有兩句嘢唔出得街,應該唔會剪走佢,就係成集抽。」

對於廣播處長近日「毒手橫行」,抽起多個節目,黃宇軒坦言感到非常憤怒,「已經唔使再掩飾咩講法,好明顯新嘅處長係有好大嘅政治任務」。他指,雖然很多人希望李百全交代抽起節目原因,但對他而言這「已經唔重要」,「根本佢就係嚟整頓港台,只係睇下個速度係點」。黃宇軒呼籲,港人必定要繼續支持港台,「監製同工作人員承受好大壓力,一定需要香港人、觀眾去做多啲,大力支持佢哋。」

港台:未有計劃停播《五夜講場》

《蘋果》昨日已向港台查詢有關《五夜講場》停播事宜,事隔一日,港台回覆指《五》未有計劃停播,該節目會如期播放,惟未有交代節目主持及內容有否曾被調動。《蘋果》已再向港台追問相關事宜。

港台昨晚首次發稿,承認曾抽起3個節目部份集數,分別為《議事論事》、《香港故事》以及《鏗鏘集》,更狠批節目犯下「六宗罪」,當中包括對《港區國安法》有不準確的描述。港台亦指,處長及港台高層管理人員組成「編輯委員會」,就具爭議性的節目於製作或播出前檢視有關節目,切實履行編輯責任。現時已引入上報機制,節目製作人員在策劃節目的初期,需提交計劃書予編輯委員會審視,讓編輯會議可積極參與及指導製作。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner