可樂樽暫別︱打冷店老闆茶記食客嘆可惜 90後店員:香港集體回憶 細細個都飲

更新時間 (HKT): 2021.03.31 20:05
食肆老闆、店員、食客對可樂樽暫別都感可惜。本報記者攝

打冷、食小菜少不免「嘆返支汽水」,旺角標記樂園潮洲粉麵菜館亦有玻璃樽裝及罐裝可樂供食客選擇。老闆標叔3月初收到可樂廠通知,指稍後將暫停生產玻璃樽裝,職員亦向他送贈一套可口可樂經典玻璃樽裝珍藏版紀念品留念。

打冷店擬訂數百箱待停產後仍可供食客選擇

標叔稱,一收到可樂廠的消息即大嘆可惜,他稱店內樽裝及罐裝售價一樣,但樽裝容量只有192毫升,比罐裝的330毫升少一截,不過有7成食客仍會選擇玻璃樽裝,又指樽裝尤其受年青人歡迎,「後生鍾意懷舊嘛,睇落又靚啲,揸落舒服啲」。他表示,女食客及小朋友食量較小,同樣傾向選擇樽裝可樂。

標叔又稱,罐裝可樂感覺上太甜,認為樽裝味道較好,「似真係可樂」。據他了解,餐廳最遲4月底仍可向廠商購入樽裝可樂。他指餐廳以往每星期買入20多箱、每箱24支可樂,他打算稍後一次過訂購數百箱,並會在倉庫預留空間放置,以便停產後仍有一定存貨供客人選擇。

茶餐廳訂十多箱放收銀處旁裝飾

位於荔枝角的茶餐廳「友利冰室x勿當奴」本來有售大支裝可樂,容量為355毫升,比罐裝稍大。負責人月初收到停產的通知,餐廳月中賣清手頭上的樽裝可樂後,已改為只賣罐裝可樂。

職員翁先生稱,以往8成客人均選擇樽裝可樂,除了容量較大,不少食客會認為「感覺多氣啲、飲落『啹啲』」。翁先生又稱,玻璃樽裝可樂具本地特色,餐廳雖停售樽裝可樂,但早前仍訂購了十多箱,放在門口收銀處旁邊作裝飾之用,「感覺上係香港集體回憶,我係90後,細細個都係飲支裝可樂」。

食客建議由本地網民設計投選新樽款式

食客伍小姐則認為樽裝及罐裝可樂味道分別不大,但她亦對停售樽裝可樂感到可惜,「自己鍾意vintage嘢,玻璃樽幾靚,會留個做紀念」。她期望明年推出的新包裝可包含香港特色,建議可口可樂舉辦網上徵圖活動,讓本地網民設計及投選新樽裝款式。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner