8.18集結案︱專訪︱曾患初期肺癌 何俊仁預先準備入獄藥單:無嘢放唔低!

更新時間 (HKT): 2021.04.01 11:03
何俊仁稱,即使在最壞的時間,港人仍應保持希望,對香港的承擔也不應因為悲觀或樂觀有變。

投身香港民主運動近40年、今年69歲的民主黨前主席兼支聯會副主席何俊仁,今日因「8.18流水式集會」案被判罪成。他在宣判前夕接受《蘋果》訪問,身負4宗案件的他坦言已有入獄的心理準備,「無嘢放唔低」。曾於2017年患上初期肺癌的他近日已約見醫生,準備一旦要入獄時所需服用的藥物清單。何稱,即使在最壞的時間,港人仍應保持希望,對香港的承擔也不應因為悲觀或樂觀有變,「正如有家人患上重病,我哋唔會因為呢個病醫唔醫得好,而決定去幫幾多,都會盡力去醫佢。」

記者 林俊謙

「投身民主運動嘅人,點會唔使坐監?」何俊仁判刑前夕的一星期,因為要到不同監獄和收押所探望戰友和代表「反送中」運動被告上庭而四出奔走,倦容連不時探望獄中人的朋友也笑他「仲殘過坐監啲人」。他說已就8.18案有坐監的心理準備,認為相對在囚手足,自己已算幸運,既已達退休年紀,子女亦已長大成人,「我做咗(民主運動)咁多年,都仲未需要坐監,都好好運啦;任何一個地方,投身民主運動嘅人,點會唔使坐監?」

90年代開始投身政治,何俊仁眼見戰友近年逐一被捕、被控、被囚,自然百般滋味在心頭,民陣即使多次申請遊行集會亦遭警方拒絕,何與部份民主派仍然希望,港人續有表達意見的自由,故此不惜在未獲警方發出不反對通知書下,如常上街表態。最終他因2019年10月1日「沒有國慶只有國殤」遊行及2019年10月20日九龍遊行,被控組織未經批准的遊行。連同去年6月4日六四燭光集會被控煽惑他人參與未經批准集會,何俊仁身負4宗罪。

「中共打到香港殘廢」

「每個人做一啲可以做到嘅嘢,唔係一定需要犧牲,亦唔係一定要暴力抵抗,有一個仁心喺度,互相支持。」正如何俊仁所言,每個人在運動中都有不同崗位。反修例運動爆發後,何俊仁也為多宗反修例運動案件打官司,因此發現不少港人未有放棄,包括積極協助被捕人士的年輕律師、大力捐款支持6.12基金的巿民、透過記錄示威情況為被捕人士討回公道的熱心巿民和記者,以及支援被捕人士和家屬的組織「石牆花」,相信有心人播下的種子,總有結果的一天。

他稱,完全理解有子女的港人不想下一代變成「愛黨跟黨走」、拒絕接受普世人道和文明價值而選擇移民離港,指若有人移民,絕對不會叫對方留低,「但我唔會叫人走」,「若然有人有意識地留喺香港,因為對香港有感情,覺得留喺香港,可以為香港做啲嘢,我更加尊敬,我自己同一班朋友都係咁諗。」

面對民主派戰友近年先後被捕、還柙、流亡,何俊仁當然痛心,認為中共利用《國安法》全面打壓民主派,是與中美關係激烈磨擦,及與中共領導人被美國制裁有關,形容中共做法相當「重手」,「等於對一個唔聽話嘅細路仔,用最重嘅家法打到佢殘廢。」

但他認為,中共以「趕盡殺絕」方式對付民主派和香港人,最終只會失敗收場,一是因為中共「留島不留人」的策略,將令國際社會對香港失去信心,另一個更大的歷史恥辱,是中共讓全世界人看到,自己無能力管理好香港,「你(中共)可以唔認係一個失敗,但歷史一定話你聽,一定係一個失敗,就係原來喺殖民地時候,啲人會覺得(香港)呢度幸福,所以咁多百萬人申請過嚟、游水過嚟、偷渡過嚟,可以喺度受教育、搵到錢,成為有學問的人,喺度安居樂業;跟住你接管咗之後,啲人就要逃亡、坐監。」

「華叔都係太樂觀」

他引述已故支聯會創會主席司徒華早於97年前已預言,中共專權統治下,民主派即使取得主流民意支持,亦不足以執政,「華叔話我哋起碼要在野20年,唔好諗住執政。而家我哋發覺,可能佢(華叔)都係太樂觀,而家唔係回歸後20年不能執政,而家係回歸後20年我哋要去坐監」。但他深信,歷史不會因專制政權和獨裁者而停下腳步,而是會繼續向前、改變,「用返共產黨嘅辯證法嚟講,呢個世界乜嘢都係改變之中,乜嘢都在否定之中,呢個係共產黨都信嘅,不過到佢哋掌咗權,佢哋就唔想信啫。」

除了何俊仁,支聯會另一核心、主席李卓人也是8.18案中被告,加上有傳政府或取締支聯會,今年還會否有六四燭光集會?何俊仁認為,即使該會常委全數被捕,最重要是「人心不死」,相信巿民可在六四當晚,自發點起燭光悼念,「好多人都同我哋講,如果支聯會做唔到集會,我哋咪(六四)嗰日8點鐘,每個人自已攞支蠟燭上街囉」。他相信中共即使消滅支聯會,亦消滅不了人心,「我相信啲人會做嘅,即使拉晒我哋,佢哋會以第二種形式,個火種仲喺度。」

何俊仁維權半生

●年齡︰69歲(1951年12月1日出生)

●出生地點︰香港

●家庭狀況︰已婚,育有三名子女

●簡歷︰畢業於香港大學法律系,取得港大法律學學士、港大法律學專業證書、香港高等法院律師及國際公證律師資格,是執業律師和公證律師

●從政經歷:

1990年 與其他民主派組織香港首個政黨香港民主同盟(港同盟),港同盟於1994年與匯點合併成為現時的民主黨

1995年 透過直選成為立法局議員及區域市政局議員

1997至1999年 出任臨時區域市政局議員

1998至2016年 出任立法會議員

1999至2015年 出任屯門區議員

2006至2012年 出任民主黨主席

2014至2019年 出任支聯會主席,現為支聯會副主席

資料來源:《蘋果》資料室

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner