李八方online︱唔熟書曾國衞又被考起 廖長江自問自答勁無癮

更新時間 (HKT): 2021.04.01 19:56
八方想引用番建制派謝偉俊之前爆seed嘅說話送返畀曾國衞:「成個特區俾你累死啦!」

喺呢個標榜「愛國者」嘅年代,做嘢夠唔夠班已經唔再重要。今日立法會一班忠誠啦啦隊喺討論閹割香港選制嘅小組委員會上,建制派「班長」廖長江提問時畀隻好牌政制局長曾國衞上,但係以曾國衞嘅資質……結果廖長江好無癮咁自己答返自己問題。

曾國衞都唔止一次俾人鬧佢唔熟書,但睇嚟仲係無乜改善。廖長江今日問曾國衞,將來幾時先算係「必要時」,要啟動選委會召集人機制,有關運作情況又係點。心水清嘅人都聽得出,呢幾日全國人大常委譚耀宗已經講過唔止一次,有關機制屬「兜底條款」,有需要先用。

雖然譚常委都係講完等如無講,但只要答番譚常委嘅答案,畀身兼港區人大代表嘅廖長江聽咪得咯,但係曾國衞連連掀書都搵唔到答案,淨係不停Loop番官方版本嘅「必要」、「特殊情況」等字眼,依依哦哦咗幾分鐘都答唔出「兜底條款」呢個關鍵字,搞到廖長江好無癮。八方想引用番建制派謝偉俊之前爆seed嘅說話送返畀曾國衞:「成個特區俾你累死啦!

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner