寫給47人的家書︱劉澤鋒,活着就係最大嘅勝利!

更新時間 (HKT): 2021.04.02 00:02

47名民主派因參加初選被控違反《國安法》下的串謀顛覆政權罪,至今僅11人,即劉偉聰、呂智恆、楊雪盈、林景楠、黃碧雲、鄭達鴻、彭卓棋、柯耀林、何啟明、施德來及李予信獲准保釋。不見天日的歲月,或許很漫長,《蘋果》邀請牆外的人將思念化為家書,默默向被囚者打氣。

澤鋒:

其實我唔識你,只係見過王進洋(離島民主派區議員)個Facebook寫過關於你嘅嘢,都想為你打吓氣。

見到佢喺Facebook話,你叫過佢唔好辭職,叫佢順其自然撐落去,「因為今日,活着就係最大嘅勝利」,亦話雖然身心疲累,但都希望香港人唔好放棄。唔知你知唔知,王進洋最終決定留低宣誓唔辭職?唔知你嘅說話有冇影響,但王進洋話會宣誓時有講到,「留下來,多個工具」,「口號雖然是旗幟,但現在來說,也只是其次」。

的確,咁嘅環境,大家都好艱難,喺民主派一路被滅聲時候,有人仲有平台代香港人講嘢,都係好事,雖然DQ風險都唔係低,之後亦會面對其他問題,所以留低亦要有勇氣。同埋好明顯,嗰度(東涌南)嘅居民都唔想再有周浩鼎做代表。

希望你好好照顧自己,一如你講,活着就是最大勝利,祝願平安回來。

Bobby

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner