西環集中營:民主派意興闌珊:邊有選民投票(季陶)

更新時間 (HKT): 2021.04.02 02:00
■人大常委會日前舉行會議,通過修改香港選制。新華社

人大常委會通過「完善」香港選舉制度內容公開後,不少民主派人士看到日後參選的重重關卡,還要由警方國安處進行愛國審查,無不對參選感意興闌珊,雖然左派陣營甚至北京均放風,想拉攏溫和民主派參選,但有民主派直言,相信沒有多少人會肯落場參選,更重要是他們評估到時投票率也不高,「唔單止民主派支持者,相信唔少中間選民亦未必投票」,令民主派人士更覺不值得出選。

中間派選民卻步

該民主派人士指,雖然有左派人士認為,民主派支持者總要找代議士入議會,「所以只要有民主派、甚至佢哋口中嘅所謂新民主派出選,民主派支持者、中間派選民點都會出嚟投票」,但這個分析大前提是,市民認為選出的代議士可在議會發揮作用,「但𠵱家直選得20席,建制肯定拎到10席,剩返10席就算畀晒民主派,都做唔到乜嘢,民主派支持者仲點會出嚟投票」。

他又分析,以往選舉中候選人政治光譜闊,同一選區內,即使民主、建制陣營候選人,也有不同政治光譜,「有啲激啲、有啲溫和啲」,於是可動員不同光譜選民出來投票,「就以民主派為例,有本土、深黃、溫和民主派候選人,近淺黃嘅中間派選民唔想只得本土、深黃民主派當選,自然出嚟投溫和候選人,咁先可以推高投票率」,但以後每區得兩席,基本上民主派只可取一席,還要獲資格審查過關才可參選,「完全冇競爭性,點會有選民熱心投票?」

該民主派人士笑言,人大常委會公開「完善」香港選舉制度內容後,他在自己朋友圈中發帖,問有多少人還會投票,「當中有藍有黃,有一小半人冇答,有答嘅一大半人話仲投嚟做乜?不如趁假期瞓晏啲、同屋企人出去玩好過」。

季陶

周一及周五刊出

一格照片,一個故事,Follow蘋果Instagram!
BannerBanner