政府拒埋枱 勞資「傾唔埋欄」

更新時間 (HKT): 2021.04.05 02:00
■2015年11月標準工時委員會會議上,勞資雙方談判破裂,梁籌庭與其他勞方代表拉隊離場。

【本報訊】標準工時委員會2013年成立,可惜委員會任期的四年內,勞資雙方未能達成共識,勞方更於2015年因雙方談判破裂而「拉隊離場」。當時擔任標準工時委員會成員的勞方代表梁籌庭批評政府一直「唔肯落水、放軟手腳」,沒有就標準工時向僱主多加游說,由勞資雙方「自己傾」,「咁一定係傾唔埋欄」。

早在2012年,標準工時委員會尚未成立,政府已撰寫標準工時政策研究報告,報告中提及在標準工時不同條件的情景下,僱主需向僱員額外支付80億元至522億元開支。梁籌庭指當年最低工資成功立法,原本對標準工時立法亦有憧憬,但「睇完(報告)之後呢,其實我就……個心都涼咗」,有關預算開支數據,必定嚇怕僱主。

梁籌庭︰利用委員會否定可行性

結果標準工時委員會開第二、三次會議,僱主即不斷以付出龐大加班費為由,反對推行標準工時。梁稱當年政府推行最低工資立法,有強硬立場並施壓,再由勞資雙方討論內容細節;但在標準工時立法,梁批評「政府採取嘅態度就係放任嘅態度」,標準工時委員會會議就變成勞資雙方各說各話,「成日都擦出火花,大家喺會議上面fire」,最終梁與其他勞方代表,於2015年11月六人「拉隊離場」,宣告談判失敗。

政府採取放任政策,讓勞資雙方會談猶如泥漿摔角。梁形容到商討中段,政府參與度逐漸降低,「感覺到政府係會轉軚喇」,甚至覺得政府利用標準工時委員會,「話畀全世界人聽,標準工時係唔行得嘅!唔成功嘅!香港唔可以實施呢一樣嘢嘅!」

對於勞工處首席勞工事務主任(工時政策)任期告終,梁指自標準工時委員會2017年解散,身兼勞顧會成員的梁籌庭指,近年勞工處已沒有再向他們報告標準工時立法進度,「佢都冇必要同我哋滙報啦,個委員會都散咗band……咁佢再做落去做啲乜呢?佢冇必要向我哋勞顧會交代」。

有消息指,工時政策科會預留人手完成工時狀況調查,梁籌庭聞後苦笑,「𠵱家再做嘅話,你攞到個數據出嚟,要嚟點用呢?」他又認為,如果政府不參與政策討論,標準工時立法無可能成功。

一格照片,一個故事,Follow蘋果Instagram!
BannerBanner