隔牆有耳:「平息暴亂」錶 六四紀念館有得睇(李八方)

更新時間 (HKT): 2021.04.06 02:00
■「六四紀念館」展出的「89.6.平息暴亂紀念」手錶。

今年係六四32周年,維園燭光集會未知能否如常舉行,但支聯會嘅「六四紀念館」仍然致力傳承歷史,最近一隻「89.6.平息暴亂紀念」手錶原本喺英國拍賣,但後來俾英國拍賣行下架,但原來「六四紀念館」展品中,亦有一隻同款手錶,展現一段屠殺鐵證。

呢隻錶面印有中共解放軍人頭像、天安門城樓外形及「BEIJING」字樣,原本英國拍賣行估價為2,500至3,500 歐元(約23,000至32,000港元),原定4月19日喺英國拍賣。

原用作獎勵戒嚴部隊

究竟呢隻錶有乜特別?「六四紀念館」facebook話,呢隻手錶由一名友好人士送贈展出,當年係由中共北京市委員會、北京市人民政府送畀解放軍首都戒嚴部隊,獎勵「有功」嘅人員。當年民運遭中共血腥鎮壓後,當局誣衊爭取民主自由的行動是「反革命暴亂」,並讚軍隊平息「暴亂」,所以整隻「軍功錶」送贈予首都戒嚴部隊,但八方聽聞後來唔少參與戒嚴軍人都唔想提呢件事,好多人丟咗或者賣咗呢隻錶,所以有唔少流出民間。

市民想睇隻錶可以去六四紀念館,不過紀念館喺4月17日休館佈置,未來會有全新主題展,現有嘅「走在抗極權最前線——從『八九六四』到『反送中』」同「司徒華先生逝世10周年」專題展將於4月16日完結。

李八方

一格照片,一個故事,Follow蘋果Instagram!
BannerBanner