堅定不移︱前線勇武衝突爆眼僅餘一成視力 父母願保送出國不願離港

更新時間 (HKT): 2021.04.07 00:02

光怪陸離之事天天在港上演,而隨着英國、加拿大等年初放寬移民限制,更加速新一波移民潮。有人選擇離開傷心地,有人卻決定留守家園。阿文(化名)、Amy(化名)及Calvin均有條件離開香港,出走他鄉重新開始,但他們卻不打算離開。阿文的父母打算送他移民,被他斷然拒絕,「呢片土地嘅文化,同呢度嘅人,即係手足仲係喺度嘅話,我憑咩離佢哋而去?」

記者: 陳萃屏、攝影: 陳海威 何量鈞

「直望你塊面,我係望唔到嘅,會完全係灰色一片,灰色嘅邊緣位係冇咩影像,咁就總之就散開晒。」阿文是前線抗爭者,右眼於前年反送中運動被子彈擊中,現時僅餘一成視力。可幸左眼沒有損傷,外觀與常人無異,他可以仗賴左眼的視力活動,稱已經「習慣」,對日常生活影響不大。

阿文快將畢業,眼傷拖慢了他的學習進度,「其實都好考眼力,要好專注去睇嘢時就會眼花,好常出現會眼花、重影,隻眼好乾好乾⋯⋯我需要長時間,可能幾個鐘都係睇緊一篇文,要耐唔耐半個鐘合埋眼唞一陣。」

這些苦對他來說,算不上甚麼,因剛受傷不久後那段光陰是最痛苦。做了手術之後,他只分到光暗、影像遇到強光會變色,「醫生會令你覺得好氣餒,因為佢會好直接同你講會唔會好返,你好返會有幾多成視力,嗰啲全是壞消息。」此外,他當時亦很怕被秋後算賬,總會疑神疑鬼,「有好長時間連街都出唔到,我出街一定要有人陪,唔能夠離屋企太遠,因為我好冇安全感。」

父母計劃讓兒子移民被拒

所有孩子均是父母心頭肉,眼見阿文遭逢此浩劫,阿文父母傷心不已。他們原是「藍絲」、「港豬」,但十分疼愛兒子。阿文受傷後,他們亦一直陪伴在側,伴他渡過最痛苦的時刻。令阿文印象最深刻是父親的淚,「老竇入嚟睇我有冇事⋯⋯嗰時講講吓攬住我喺度喊,屋企人都話咁多年都未見過佢喊,佢嗰時喊到索索聲,我就梗係攬住佢一齊喊。」

傷心過後,兩老認為是他們那代人的不作為,害了這一代年輕人,甚是內疚。常對阿文說「生你出來都係害咗你」,更着阿文不要生兒育女。有一日父母告訴他,只要他想離港就會給他一筆錢,因擔心兒子被清算,不想他再擔驚受怕。受經濟條件所限,他們沒打算離開,只想送阿文走。阿文明白,但果斷拒絕兩老好意。父母亦清楚兒子性格倔強,此後沒再提移民。

「我憑咩離佢哋而去? 」

原來的阿文只是一名喜歡吃喝玩樂的普通年輕人,不太關心社會時事。但經歷兩年前的社會運動,令阿文建立更強的港人身份認同,認為香港人有獨特的價值觀及文化,「只係而家呢到,你嘅屋企俾一班X樣霸佔咗,但係我哋應該可以搶返我哋屋企。」

他續說,「雖然大家見到情況好差,我哋以前擁有嘅法治自由人權全部消失晒。但係我會覺得呢啲只係制度上嘅死亡。呢片土地嘅文化同呢度嘅人,即係手足仲係喺度嘅話,我憑咩離佢哋而去? 」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner