武漢肺炎︱食環巡查見單字名即檢控 紅磡5小店被重罰停晚市14天

更新時間 (HKT): 2021.04.08 17:28
有被罰東主及區議員均認為當局將抗疫責任推卸予食肆,又認為刑罰過重。

疫情下餐飲業界苦苦支撐多時後,早前終獲稍為放寛,恢復晚市堂食及四人一枱,但食客進入前仍須掃「安心出行」,或登記個人資料。食環署近日在疫情緩和下突然加強行動,上月下旬聯同警方巡查過千個處所,日前(6日)亦於紅磡黃埔一帶突擊檢查食肆,當中至少5間被指食客登記資料不齊全,被罰停晚市14天,以及午市縮至2人一枱。有涉事餐廳東主指,難以安排人手逐個檢查資料,亦沒有權力核對食客身份證,批評食環署做法「即係叫我哋唔好做生意」,又質疑停晚市14天刑罰過重。

巡查人員不聽解釋 「有咩同個官講」

食環署日前聯同警方巡查紅磡及黃埔多間食肆,其中民泰街幸福小廚、景霖正宗四川麻辣米線、文華冰室、潮興牛雜魚蛋粉麵、古早味澎湖台灣等至少5間食肆被指顧客登記資料不齊全。幸福小廚東主楊老闆指,日前食環署人員連同警員下午到場時,要求檢查餐廳員工的病毒檢測證明,「抽樣抽咗我哋5個同事,全部都OK」,但檢查顧客登記個人資料的紀錄簿時,則「睇到有個單字(名)、冇時間,即刻罰我哋」。楊指,當時有向人員反映,指餐廳難以控制客人如何登記資料,亦沒有權力檢查身份證,惟反被對方質問「你唔知要姓名、全名嘅咩?你有咩同個官講啦」。

楊老闆指,餐廳現被發出告票,須罰停晚市14天,以及午市由每枱4人收窄至每枱2人,大嘆「好無辜」,「無辜5間舖頭,統一刑罰14天,咁即係叫晒我哋全部唔好做生意」。他續指,被罰後昨日生意隨即急跌兩成,估計未來14天合共將損失10多萬生意額,目前被罰後亦惟有盡量要求客人填寫全名,「如果客人唔寫全名,咁我無奈咪放棄呢班客人、或者呢單生意,既然政府要我死,我可以點樣做?」他又質疑,對比過往其他被罰的食肆,今次食環署刑罰是太重,「點解唔可以7日、3日、口頭警告,再犯先停我哋?」

景霖正宗四川麻辣米線負責人王小姐亦指,食環署人員檢查登記簿時,指「啲名簽得唔好,簽單字」,及後便隨即開出告票。她又指,自己簽署違規表格時,其中一名食環署女員工態度欠佳,多次催促她簽名,「話快啲簽喇,阻住我做嘢,仲有好多間要睇,你有名有姓㗎嘛,簽個英文名點知搵邊個?」她批評,今次政府無疑是將抗疫責任推至食肆身上,認為餐廳根本無法檢查每位客人是否有登記全名,又預計未來14天至少會損失一半生意。

區議員批處「極刑」不符比例

今日到現場視察的九龍城區議員郭天立質疑,食環署如何訂定刑罰準則,「5個人坐一枱都係罰7日、冇戴口罩罰3日,點解安心出行嘅問題、或者填紙仔,就要罰14日呢?」,形容今次只是小部份食客不齊全,便要處以「極刑」,懲罰程度是不符比例及荒謬。他又指,餐廳本身並沒有權力檢查食客身份證,批評政府做法是「將食客同食肆擺落對立面⋯⋯發生啲乜嘢事食肆負責,好似佢(政府)冇責任咁樣」。郭指,早前已聯絡食環署地區總監,但當時只獲官腔回應,未來會繼續向署方反映問題。

食環署今日出稿表示,食環署於復活節長假期,4月2日至4月6日期間,共巡查2,416間食肆及496間其他住所,當中與警方聯合巡查240間食肆。食環署指,巡查行動中,共向25間餐廳負責人發出告票,罰停晚市及收窄至兩人一枱,為期3天(3宗)、7天(6宗)及14天(16宗),他們涉及未有確保顧客掃描「安心出行」、妥為登記個人資料,未有確保以及餐桌距離、佩戴口罩、員工檢測等。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner