PTU警車熟睡斷正 晦氣兇市民

更新時間 (HKT): 2021.04.09 02:00

【本報訊】再有警察「蛇王」斷正!近日網上流傳片段,一名疑隸屬機動部隊(PTU)D連的警員當值期間,被發現坐在警車司機位上呼呼入睡。有途人敲警車車窗,涉事警始醒來,但竟發難質問市民為何敲車窗,甚至反過來要求市民出示身份證;最終蛇王警也沒下車處理事件。警方證實知悉事件,表示正跟進調查,強調警隊非常重視人員的操守,定必嚴正處理。

要求查身份證惟拒下車

涉事片段前日在網上流傳,據悉現場為觀塘興業街興業中心附近,拍片市民亦在fb上載警車車頭照片,可見涉事警車隸屬機動部隊D連。片長1分28秒,拍到一名警員在警車司機位睡覺,男途人敲打車窗,涉事警員紮醒拉開車窗詢問何事,反被質問:「阿Sir呀,你出公帑瞓覺㗎?」警員聞言變得晦氣,反問:「乜嘢呀,你拍架車做乜嘢?」

市民數次問同樣問題,但涉事警未回應更反問:「你拍架車做乜嘢?」當時市民一度大聲讀出:「警員編號5969」,涉事警員更發難:「畀個身份證嚟,等我摘低你身份證先。」

事件中雙方爭拗,市民不厭其煩再解釋「我頭先,作為市民,我行過,見到一個公職人員,喺度偷懶,就敲一敲門,提醒返公職人員要做嘢嘅」;又反駁警員要查身份證,「你落嚟(落車)做嘢囉,你要做嘢就落嚟囉,你坐喺度做嘢㗎?」該市民甚為不滿,直言:「5969,我投訴硬嘅」、「你喺度偷懶,又唔敢落嚟,得把口」。惟涉事警員最後拉上車窗,片段到此結束。

一格照片,一個故事,Follow蘋果Instagram!
BannerBanner