李八方online︱史墨客身體力行支持世界新聞攝影展

更新時間 (HKT): 2021.04.09 12:52

所謂一張相勝過千言萬語,「世界新聞攝影展2020」原本喺浸大舉行,畀大家睇吓震憾人心嘅新聞圖片,可惜校方疑似驚咗反送中運動嘅新聞圖片,以保安同防疫為理由突然取消。好彩皇天不負有心人,展覽最後移師到金鐘舉辦,連美國駐港總領事史墨客(Hanscom Smith)都去咗睇。

參選特首時簽過記協新聞自由約章嘅特首林鄭月娥,近期放任下屬打壓香港電台消滅傳媒查冊空間、前幾日又同官媒講香港傳媒嘅制度有待改善,尋日直頭話特區政府係「假新聞」嘅「最大受害者」,究竟佢有幾捍衞新聞自由,大家心中有數。

史墨客今日就透過社交媒體,貼出佢參觀「世界新聞攝影展2020」嘅相片,留言話「欣賞到好多世界級嘅新聞照片,當中更有啲喺香港拍攝嘅。」佢亦覺得舉辦展覽嘅世界新聞攝影基金會「一直以來對新聞攝影工作者和新聞自由嘅支持都令到我十分敬佩。」呢啲真係「action speaks louder than words」。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner