區議員宣誓︱終身DQ?建制派關注DQ理由重複使用 鄧忍光:技術上有咁嘅可能

更新時間 (HKT): 2021.04.09 21:13
有議員問到,若被DQ人士有意再度參選,DQ理由會否被重用,政制及內地事務局常任秘書長鄧忍光稱「技術上有咁嘅可能」,又強調修例唯一嘅考慮係緊貼人大常委嘅《決定》。

立法會審議規定區議員宣誓的修例進入逐條審議階段。有建制派議員關注到,已被DQ的人士經過5年不能參選後,若有意再度參選,其當初被DQ的理由會否被當局重用。政制及內地事務局常任秘書長鄧忍光稱「技術上有咁嘅可能」,但強調將來會有資格審查委員會考慮有關人士是否符合參選資格。

港府今次修例列明,違反或不符合擁護《基本法》和效忠特區誓言的人,不單止會被DQ,更在5年內不得再參選特首、立法會或區議會。

建制派謝偉銓在會上問到,某人若因違誓被DQ,並經過不能參選的5年後再度參選,則當初政府用作DQ該人的理由是否「用咗一次之後就唔用得?」否則「可能你一世都有呢個(違誓)問題喎」。

鄧忍光稱「政府不能隨意指人違誓」

鄧忍光起初表示「技術上有咁嘅可能」,但隨即補充指,當局要依法宣告某人不能參選,當中有法律程序,而政府不能隨意指人違誓,至於「攞幾近幾遠嘅事」提告,當局亦會評定相關證據的可靠性,加上將來會由資格審查委員會去考慮有關人士是否符合參選資格,他說今次修例「唯一嘅考慮係緊貼人大常委嘅《決定》,(由於)人大《決定》並沒有時限性,咁所以我哋唔能夠超越人大常委嘅《決定》。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner