電子消費券︱街市難受惠 商戶嫌八達通手續費貴唔想裝:阿婆唔識用呀!

更新時間 (HKT): 2021.04.11 20:38

政府將經電子支付工具發放$5,000消費券,市民只可經八達通、支付寶(香港)、微信支付、Tap & go拍住賞4種工具使用。《蘋果》記者走訪本港其中一個街市,發現絕大多數檔販仍然沿用現金,甚少人使用電子交易。好景海鮮負責人直言「唔會裝(八達通等工具)㗎啦!所有八達通嘅街市冚唪唥失敗晒!(點失敗?)冇人買嘢(使用)咪失敗囉!」他明言不想安裝,「街市冇咁先進㗎,你叫啲阿婆攞啲Alipay(支付寶)過嚟買嘢咩?阿婆識唔識用呀?」他亦指「我哋唔使佢受惠(惠及)。」

商戶一致嫌八達通貴

蛋檔農家蛋亦無裝八達通等支付工具,負責人彭小姐坦言收手續費好貴,被告知八達通擬免手續費會否安裝?她直指不想裝,「點會免手續費呀?裝嗰時唔使啫,咁後尾一路用,都要收㗎。」她認為$5,000「買都買貴嘢」,買蛋花不了多少錢,預期不會受惠,「受益多數都係大商場」。

提供Apple Pay等多個電子支付方式的鯉魚門電器負責人吳小姐指,八達通交易和信用卡等要收交易手續費,即使免安裝費亦不吸引,她指經濟差政府派1萬或5,000元都難令小商戶受惠,好多人失業都會把錢儲起,生意已經好差,之前爆疫強制關門業主又不減租,現在的派法只望帶動生意好少少,而且$5,000最好一次過派,「而家咁熱,梗係想買冷氣,$1,000(分開5次派)點夠買呀?」她坦言商戶做生意其實還是用現金周轉最靈活,效益最大,電子支付錢銀到手始終需時較耐。

薇婉服飾張小姐裝齊支付寶和微信支付,她指電子支付都有一半人用,不過年長顧客不熟悉,有時都要協助顧客付款。她指一直都想裝八達通,惟手續費、錢銀流通等細節問題一直延誤多時,她相信今次派錢有助刺激消費,但經濟差「大家都揞住個荷包」,希望自己做生意都會有少少受惠。

消費券使用有困難

街坊郭先生坦言主要會用八達通,消費券會用來買餸和支付日常開支,「但呢度冇幾多檔有(八達通)。」他認為派現金大家「將啲錢亂買嘢......畀現金啲人去呢度玩、嗰度玩,都唔係用嚟刺激消費嘅!你食一定要㗎,啲人走去買手機,手機買嚟冇用㗎,你刺激嗰啲電器業消費啫,唔係普通市民消費。」

林小姐亦指「我嘅意見梗係鍾意用現金啦,你去邊度用都得」,她指新鮮食物都會去街市買,八達通只能去超市買飲料、日用品等,「(餘額)都係貢獻番畀佢(政府),使唔到啦喎,一係買多啲囉。」

陳婆婆坦言電子支付「麻煩呀!我哋老人家都唔識用,最好畀現金,我哋多數攞嚟買餸,有時我一日買幾百蚊,($1,000一個月)邊夠用呀!」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner