40宗投訴教師成立 楊潤雄:或DQ一人

更新時間 (HKT): 2021.04.11 02:00

【本報訊】政權文革式整治校園風暴未止,教育局長楊潤雄透露,教育局正處理一宗教師投訴個案,或涉及取消註冊,但無透露投訴內容,仍待考慮教師的申辯內容。另外有約40宗個案,局方認為投訴初步成立,其餘20多宗個案則在與校方商討及索取資料階段。

派公社科教材「唔使驚踩紅線」

建制派議員多次提出在全港學校課堂加裝CCTV、對準老師錄影,楊潤雄在港台節目《星期六問責》上回應:「(建制派議員)係出於佢哋擔心,佢哋可能收咗好多投訴,話老師有不適當言論。」他稱2019年至今收到200多宗關於老師投訴,在數萬名老師中數目不多,他仍相信大部份老師可專業工作,並指教育界對安裝CCTV有反對聲音。

教育局上月正式將高中通識科「殺科」,並改名為「公民與社會發展科」,新課程內容只保留香港、國家及當代世界3個主題,將於今年9月推行。楊潤雄稱,難以在9月開學完成新課本,因此教育局將會為老師提供教材,認為老師不需擔心教學時會「踩紅線」而觸犯國安法,「一般愛護我哋嘅國家,自然唔會有呢個擔心」。

至於「公社科」的課程內容,是否應包含國家好與壞,他回應說:「認識國家就係認識國家,唔係你講完啲『好』,你又要夾硬搵啲咩叫『壞』出嚟。」至於教師可否提及文化大革命?他稱課程內容應由改革開放後時期開始,「中國歷史咁長,你要講到幾耐之前都得㗎,但你要考慮呢個課程想達到咩目的」,原本的中國歷史科亦會教授文革內容。

新疆棉事件早前引起極大爭議,BBC有報道指,中國在新疆強迫數十萬維吾爾族和其他少數民族勞動生產棉花,隨後中國外交部指報道失實。主持問楊潤雄,老師可否提及類似事件,楊稱「咁既然國家都講咗係失實,點解仲要喺課堂上講失實報道呢?」若教師播出報道後引述外交部說法又如何,他語焉不詳稱:「唔好咁細咁講。」

一格照片,一個故事,Follow蘋果Instagram!
BannerBanner