李八方online︱重遊愛丁堡公爵訓練營 黃錦星晒17歲有頭髮舊相

更新時間 (HKT): 2021.04.12 19:26
大嘥鬼局長話今次重遊舊地,令佢回憶起40幾年前時為17歲時,都喺呢個營地參加過活動。

大埔林村許願節今年喺疫情下被迫取消,但有啲願唔使許願節都許得嘅。

原來位處林村愛丁堡公爵訓練營嘅中電E-Playground最近開幕,呢個係中電首創以電力工程、能源同環保為主題嘅室外遊樂園;設於遊樂園中央更有棵「許願樹」,今日到場出席開幕禮嘅環境局局長黃錦星同中電主席毛嘉達及總裁蔣東強,即席將願望寫喺樹葉形嘅環保紙,再掛喺設有太陽能板嘅樹上,祝願低碳生活願望成真。

大嘥鬼局長仲話今次重遊舊地,令佢回憶起40幾年前時為17歲時,都喺呢個營地參加過活動添呀,更分享當年舊相,當時梗係仲有好多頭髮啦。

呢個E-Playground建於大埔林村香港青年獎勵計劃賽馬會愛丁堡公爵訓練營內,由中電同香港青年獎勵計劃合作設計同興建,學校及公眾人士都可預約參觀。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner