只收現金黃店食肆:無助生意 拒絕安裝

更新時間 (HKT): 2021.04.12 02:00

【本報訊】財政司司長陳茂波早前稱,推出消費券的目的為帶動本地消費,但最終安排未能惠及只接受現金或信用卡等支付平台的食肆。有食肆老闆直言本身對政府的安排沒期望,「靠佢(政府)我哋飲食業死咗好耐啦!」亦有支援支付寶香港、八達通的食肆負責人表示,消費券支援力度有限,現時只是「有做好過唔做」。

對政府冇期望

位於旺角的咖啡店Black Coffee只接受現金或Apple Pay等支付系統,不屬政府甄選的儲值支付工具。負責人許先生表示,餐廳未能受惠於消費券,但暫未有打算安裝WeChat Pay、支付寶等儲值支付工具,「我哋admin(行政)都係錢、搵人對數又係錢,我唔會因為咁而搞多個平台,第時(消費券派發完畢後)又唔用」。

雖然今次未能受惠,但許先生坦言對政府「冇期望過」,又稱「打從疫情開始,靠佢(政府)我地飲食業都死咗好耐、捱唔住啦講真」。

同樣位於旺角的齊柏林熱狗店只收取現金,負責人指消費券無助提升店舖的生意。他坦言對相關安排感到失望,亦不打算安裝八達通機等系統,認為「都係做返好自己就夠」。

喜惶點心專門店支援八達通、支付寶及WeChat Pay,老闆Jason認為消費券可以推動經濟,但力度有限,並非所有店舖、食肆皆能受惠。他又提到疫情已持續超過一年,政府去年向食肆派發的津貼早已用盡,加上今個月又耗費逾兩萬元購置三部空氣淨化機,以滿足食肆防疫要求,加重餐廳負擔。他認為政府應更早推出支援業界及刺激經濟的措施,「(港府)都係聽到澳門派,佢先派,但有做都好過唔做嘅」。

Jason又稱,多數使用電子支付的食客均選用Google Pay等支付方式,他認為消費券亦應涵蓋這類平台,「一係唔做,一做就應該做好啲」。

從事設計的黃小姐同樣指,「冇Payme唔係幾好,好多香港人都用Payme」,她會選擇八達通使用該消費劵,傾向到超級市場購買日用品。

一格照片,一個故事,Follow蘋果Instagram!
BannerBanner