毋須一併申請 商人讚靈活

更新時間 (HKT): 2021.04.12 02:00
■面對香港自由日益收窄,不少港人選擇移民。資料圖片

【本報訊】BNO家庭成員可分開申請移民,令移民家庭更為方便。從商的黃先生指,新指引下移民計劃較為靈活,打算讓太太和今年應考文憑試的女兒先到英國定居和升學,他則會留在本港處理公司業務,「因為我開公司,唔可以即刻走,要處理完業務」,預料家人今年或明年成行,他將與家人分開申請移民,毋須等待他一併申請,節省時間,減少麻煩。

黃又指,即使在舊指引下,家人仍會如期先到當地升學和居住,「太太會先過去,未申請(移民)住,生活差別唔大,升學學生學費都一樣」。對於英國上周撥款支援BNO移民港人,黃先生稱對其移民計劃不會有影響,但或增加誘因,覺得觀感上較佳,因看得出當地政府願意協助移民英國的港人,他又坦言香港本質已變,政治氣候轉差,「唔打算喺香港住好耐」,故即使有關新措施未公佈前,已決定移居英國。

餐廳東主:有意提早移民

80後陳先生現為一間餐廳的負責人,他直言自國安法實施後,已有意與太太及正讀小學的兒子移民英國,但遲遲未有申請簽證,「其實好想快啲走,但認真想喺香港儲多啲錢先走,同埋如果一家人一齊走,間舖就要結業,啲員工失業,喺呢嗰時勢,佢地又好難搵返份工」。陳先生續稱,英國政府更新指引後,令他有意提早申請簽證,「其實移民都係為咗個仔,如果𠵱家申請,咁老婆就可以同個仔過去英國讀書先,雖然要同佢哋分開,但我就可以做多幾年嘢,儲多啲本錢再去join(會合)佢哋。」

一格照片,一個故事,Follow蘋果Instagram!
BannerBanner