防疫措施︱打齊兩針坐Clean Zone 市民批林鄭假防疫:係咪唔打就禁足?

更新時間 (HKT): 2021.04.12 21:00
對政府以接種疫苗及使用「安心出行」作為「放寬」防疫措施,市民大感不滿。本報記者攝

特首林鄭月娥今日(12日)聯同多名局長舉行記者會,宣佈下一步「放寬」防疫措施。當中包括要求食肆於再度「放寬」後,不能再接受顧客填寫個人資料,而是強行要市民使用「安心出行」程式;又要求食肆劃出「clean zone」,安排完成兩針疫苗的食客在指定區域用膳。有市民認為政府「夾硬嚟」,指政府的「勒索」行為對防疫並無幫助,只令市民更反感。

批政府形同「勒索」:唔打就禁足?

陳姓市民指,自己不會為能有更多人聚餐,而接受政府的安排:「吓,成年都冇試過啦,唔爭在啦!」她批評政府的安排「有啲夾硬嚟」,指大家不論政治立場,不打疫苗是因為對疫苗的安全沒有信心,認為政府形同「勒索」的舉動無補於事,只會令巿民更加反感。

她直言對政府的防疫安排相當失望,「俗啲(講),好似黑社會」,指大家都想疫情消失,「你夾硬嚟,只不過人哋會更加反感,咁你想點?係咪我一定要打你先畀我哋出街,係咪遲啲唔打就禁足呢?」稱對政府非常失望,過去有與疫苗相關的死亡個案,每次官員的說辭都在推卸責任,認為政府以接種疫苗為放寬防疫措施的條件宣傳疫苗,方向根本錯誤。

貿疑政府未慮及長期病患者接種風險

陳姓巿民又認為政府的安排「反智」,指自己有家人是長期病患,須長期服用藥物,在疫苗的指引下,不適合接種疫苗:「你冇得硬性規定佢(打疫苗)囉,呢啲你真係本身規定話有啲長期病患者唔適宜打㗎嘛,咁你更加唔應該逼佢哋打啦。我相信呢個政府應該有考慮過嘅,如果一啲長期病患者都強迫性去打,咁係你(政府)嘅問題喇。」

相關報道:林鄭脅復業做籌碼誘打針 業界:死就死我哋呢代行家

「已經習慣咗呢個生活」稱執行細節有困難

「淋治治」小姐亦指,自己暫時不會考慮打疫苗,且如非必要,在日常生活中不會用「安心出行」,因為政府的「條件」對她並沒有太大吸引力:「都係嗰句,我其實已經好習慣咗呢個生活㗎喇。」她指政府的做法符合其一貫作風,「都似佢一向嘅做法嘅」,但估計巿民未必會為了更多人一起聚餐,而犧牲自己的個人私隱及承擔疫苗的安全風險。

她又指,新的防疫安排相當有問題:「咁咪好矛盾喎,你可以放寬到咁多成,咁但係萬一真係有人檢查到嚟,話你哋違反限聚令喎,咁你要點證明自己打咗疫苗,有豁免呢?」認為在執行的細節上有困難,指「呢個問題應該大家都諗到」。

市民爆粗:香港之母就唔X理你死

有巿民在用餐閒談間,直斥政府的新安排「簡直戇XX」,指「冇堂食嗰時我都捱X到啦,諗住咁樣呃人打佢支濕X疫苗,發夢啦佢,當人發雞盲,睇唔X到啲人打完疫苗死X晒呀?」同行用餐的友人則回應:「做唔到條靚數,香港之母就唔X理你死,啲藍絲擘大隻眼睇清楚啦,呢個就係你個香港老母喇。」

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner