疫苗接種︱林鄭帶頭製「疫苗歧視」 叙福樓黃傑龍:寧少做生意 不逼員工顧客打針嘟碼

更新時間 (HKT): 2021.04.13 18:32

政府帶頭製造「疫苗歧視」,意圖分化堅拒打針的香港人,褫奪他們食宵夜、多人聚餐的權利。但有連鎖餐飲集團拒絕就範,叙福樓集團主席黃傑龍表示,新的防疫措施「只係對老闆有誘因,員工係零誘因」,寧願維持現有堂食及防疫安排,也不會為了多做幾枱生意,強迫員工以至顧客打針。

黃傑龍:對員工零誘因 勞工權益爭取幾十年一下子倒退

黃傑龍受訪時指,雖然支持政府防疫,但不認同以強迫手段達到目的。雖然員工打針換來放寬食肆營業限制很吸引,但只對老闆有利,員工可謂「零誘因」,更可能衍生不必要的勞資糾紛,「如果老闆為咗開多2個鐘,逼員工打針,咁會唔會係剝削勞工權益?爭取咗幾十年,而家一下子倒退晒。」

除了打針,黃傑龍也指,未來也不會強迫顧客必須使用「安心出行」程式,來換取放寬營業限制,「逼人用『安心出行』係冇用,亦唔見得一定好過填紙仔,紙仔起碼有(顧客的)電話號碼,有個機會搵到佢;而家大把人拎個平時唔會用嘅電話去嘟『安心出行』,你所謂通知佢都冇用,佢唔開部手機嚟睇,我唔覺得係有用咗」。

林瑞華拒逼員工打針:如果佢有事 我負唔起咁大責任

而香港中小企食店聯盟召集人林瑞華亦表示,不會要求員工一定要打針,「亦冇辦法逼,條命係佢,如果佢有事,我負唔起咁大責任」。他相信業界不會為求生意額而要員工打針,「唔好話我哋,就算藍店應該都唔會」。他又指,若食肆想放寬限制,或要抽查顧客有否打針,「即係同填紙仔一樣,又係要我哋孭晒上身,政府就得把口話想點就點」。

張竹君:少量情況要用「紙仔」資料聯絡 好多電話都係錯

衞生防護中心傳染病處主任張竹君今午在疫情記者會上被問到政府昨日提出「疫苗氣泡」,有意參加計劃的食肆未來須規定食客使用「安心出行」,取代「填紙仔」登記個人資料,會否影響追蹤工作,她稱「安心出行」會發出風險通知提醒曾到訪人士注意,又指只有少量情況需要透過「紙仔」資料打電話聯絡市民,例如在餐廳或處所出現多於一宗個案時才進行,更直言「好多電話都係錯」。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner