防疫措施︱指疫苗氣泡僅屬路線圖 黃傑龍:好耐都做唔到

更新時間 (HKT): 2021.04.14 10:14

港府提出「疫苗氣泡」防疫措施,要求食肆所有員工接種首劑疫苗、所有顧客使用安心出行,才准放寬食肆至每枱6人,堂食延長至午夜12時。叙福樓集團主席、稻苗學會會長黃傑龍在商台節目形容,特首提出的「疫苗氣泡」只是「路線圖」,要所有食肆員工都打針有難度,相信落實措施「好遙遠」。

黃傑龍今早在節目中表示,特首所提出的措施並不是誘因,而是「路線圖」,提出放寬措施的前設。他指出,打針打落員工,但做生意屬於老闆,關係並不對等,「生意就我嘅,痛就佢(員工)嘅,風險就佢嘅,點會係佢嘅誘因?」他認為此路線圖「好遙遠,好耐好耐都做唔到」,相信不少食肆最終有困難,寧願繼續4人一枱。

指員工會辭職 酒樓難儲齊打針員工

他指,措施的難度是要所有員工都有打針,認為就算業界肯出錢鼓勵員工打針,「我就算肯出1,000蚊先算……咁如果有9成人攞咗我1,000蚊(打針),就係嗰10%人唔肯攞,咁我錢就出晒,出咗9成錢添,但始終都冇辦法做到呢兩個鐘(堂食)」。他相信,部份小型餐廳只有兩三個員工,甚至是家庭成員,較容易做到,但越大的餐廳,例如酒樓有200名員工,情況就會「千變萬化」,「就算慢慢儲得到肯打(嘅員工),跟住有啲又辭職……你永遠都儲唔到(全部員工有打針)」,聘請兼職員工時亦要表明須打針,「唔係做唔到,而係好遙遠」。

疫苗氣泡第二階段措施,是要食客全部接種首針疫苗,食肆才可以放寬至8人一枱。黃認為,第一關都「難以攻破」,「何來去到第二、三關?未使咁快諗」。他說,劃分clean zone的概念只適用於大型餐廳,相信特首主要考慮到酒樓的處境很淒涼,「睇吓大家做唔做到啦」,但他認為措施「要兩邊(員工和食客)都打晒針,太遙遙長路,難到不得了」。

籲設打針消費券

對於業界會否聯合提供優惠予打針的市民,他認為如社會不會反感,認為業界幫政府或宣傳疫苗,可以考慮。他認為,要說服員工打針需要時間,「唔可以用『我要做生意,你要打針』呢個邏輯囉,勞資關係唔係咁」,不可以壓迫方式令員工打針。他認為,必須有真實誘因去鼓勵打針,現時只有打針後不做檢測作為誘因,似乎不足夠,建議政府可以加入豁免人士,例如孕婦、30歲以下人士,打針後給予2,000元「安心消費券」。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner