「如種族隔離」港府涉帶頭歧視

更新時間 (HKT): 2021.04.14 02:00
李傲然

【本報訊】政府提出防疫措施,要求食肆員工及顧客接種疫苗後方可放寬社交距離,但現時30歲以下人士未獲安排接種。有未滿30歲的區議員批評政府「帶頭歧視」,造成社會分化。有電台聽眾更直斥安排猶如種族隔離政策,歧視不打針者。

30歲以下未可打針

未滿30歲的油尖旺區議會議員李傲然批評政府帶頭歧視,造成社會分化,質疑政府希望社會盡快復原的說法,「我收到唔少未到30歲或非指定群組嘅居民反映,佢哋都想打疫苗,但未打得,佢哋嘅生命難道就不是生命嗎?」他認為政府有責任提供安全可靠和充足疫苗供市民揀選,「市民打唔打係一回事,但你唔可以唔提供呢個選擇,令不足30歲或唔係指定群組嘅人冇呢個選擇,會覺得被歧視,俾政府拋棄」。

電台節目聽眾陳先生說,即使他已打針,也不會支持疫苗氣泡措施,尤其對clean zone安排感到憤怒,「令人諗到嗰啲種族隔離政策,白人就一邊,有色人種就另一邊,畀特權打咗針嘅人,同一時間又歧視嗰啲冇打針嘅人,我覺得係好離譜做法」。

政府下月推出「來港易」,免除來港的內地人14日檢疫及不需接種疫苗,反觀在港的市民若要進入酒吧及卡啦OK等場所,就須打針。

電台節目聽眾吳先生批評對港人不公平,內地雲南都有爆疫,「如果佢哋嚟到香港去食肆,又唔需要檢疫又唔需要打針,如果隱性患者做成傳播鏈,又爆多次,我覺得呢個政府好過份!」

感染及傳染病專科醫生曾祈殷亦批評,「來港易」沒規定內地來港人士須打針,與疫苗氣泡甚至國策自相矛盾,「內地不停呼籲接種疫苗,你冇理由話唔使接種疫苗就可以嚟香港」。平機會昨日未能回答查詢。

一格照片,一個故事,Follow蘋果Instagram!
BannerBanner