超市疫市加價 市民斥保就業「白痴」難受惠:畀啲大機構攞晒着數

更新時間 (HKT): 2021.04.15 15:53
消委會今日(15日)揭發,近6成半超市貨品價格升幅高於通脹,罐頭食品售價更飆升近2成。資料圖片

疫情嚴重及經濟低迷之時,政府批出惠康和百佳的第二期保就業計劃,涉及工資補貼過億元,2間超市均表明會為弱勢社群派發現金或食物,但消委會今日(15日)揭發,近6成半超市貨品價格升幅高於通脹,罐頭食品售價更飆升近2成。有市民認為保就業計劃僅讓大商戶受惠,對普羅大眾並沒實際幫助,建議超市提供更多「出位價」等優惠;另有市民不解超市為何會受疫情影響生意,反指會身體力行支持小店。

批超市先加後減 罐頭「零舍貴」

消委會今日公佈去年超市價格調查,指檢視了百佳及惠康共230項貨品的總平均售價,近6成半貨品價格升幅更高於通脹,當中罐頭食品售價飆升近2成,食米售價亦連續3年上升。黃小姐指,超市貨品經常先加後減,無助減輕市民的生活壓力,而超市只有優惠期間提供特價商品,她也甚少到超市購買罐頭等貨品,形容是「零舍貴」,但會留意減價貨品及比較不同商舖價格。她又指,政府保就業計劃做法「白痴」,「成日畀啲大機構攞晒啲優惠,但對啲小市民嘅實際幫助唔多」,建議超市提供更多「出位價」優惠,貨品價格更貼近市場。

麥小姐表示,平日主要在超市或網上購買罐頭,但「罐頭係最後階段,乜都搵唔到嗰陣先買」,而清潔用品則會視乎超市及藥房的價格後再選購,「會有個比較先至會買」。至於消委會指奶粉及朱古力價格有下降,麥表示不認同,「奶粉都有個定價,所以都唔會話賣得太平」,稱現時物價仍然高企。對於2間超市獲過億工資補貼,麥小姐認為,未必與貨品價格掛鈎,或涉及不同因素影響,「所有安排都係商家決定」。她又指,雖然平日超市都有提供信用卡優惠,但消費者仍需自行格價,「樣樣嘢都有選擇權嘅」。

不認為超市在疫情下受影響

趙小姐表示,平日不會到超市購物,亦沒有留意超市優惠。她解釋,自己不吃罐頭,平日主要光顧附近的街舖或小店。至於保就業計劃被批評未能惠及基層市民,趙也慨嘆,「我都聽過好多人咁講,都唔知政府點handle(處理)」,惟她認同超市應提供更多優惠,又不認為超市在疫情下受影響,「有好多人買嘢、排晒隊咁,其實疫情對佢哋(超市)嚟講應該冇影響,所以我咪鍾意啲小舖囉」。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner