拒開商場救急 領展致歉

更新時間 (HKT): 2021.04.17 02:00

【本報訊】寶達邨達喜樓昨凌晨發生大火,逾百居民扶老攜幼於夜雨涼風中逃生,惟領展拒絕開放邨內商場予街坊避雨休息,有街坊及團體均批評領展「涼薄」,做法太無情。領展事後致歉。

達喜樓互委會主席吳偉俊批評,負責商場管理的領展做法無情,「街坊3點幾走落嚟,希望開一個地方畀長者入去,房署都擺咗啲凳,但領展拒絕開門。當時落緊雨,小朋友又凍。同佢哋(領展)講,唔好咁涼薄呀!佢哋管理員有出嚟㗎,係唔放人入去囉!」吳對火警釀成四人死亡表示難過,又透露一眾街坊希望盡一番心意,「諗住做一個籌款畀佢哋(死者一家)」。

領匯監察成員馮先生亦認為領展拒開放商場予街坊暫避做法令人不齒,「應該人性化啲,特事特辦」。他認為事件再次引證出售公共資產予領展的惡果,令原本應該屋邨商場一體化、功能互補的設施,未能為居民帶來便利。

稱加強員工培訓

領展昨就事件致歉,稱商場辦事處於凌晨約4時曾開放洗手間供居民使用,亦提早商場半小時開放,讓居民進入商場暫避。商場辦事處已責成相關保安服務承辦商加強員工培訓。

一格照片,一個故事,Follow蘋果Instagram!
BannerBanner