何俊仁、何秀蘭、李卓人判前聚首 
無悔入獄「心靈自由更重要」

更新時間 (HKT): 2021.04.17 02:00

【遊行有罪】

前年8.18流水集會案中,七名不認罪的被告於昨判刑,最終李卓人及何秀蘭分別被判囚一年及八個月,何俊仁被判囚12個月但緩刑兩年。判刑前夕,三名在民主運動路上奔波大半生的被告何俊仁、何秀蘭和李卓人再度聚首,回望前塵,除了無悔,更有感心靈自由比軀體自由重要。64歲的李卓人笑言為民主拼搏大半生,如今才來坐監是「賺咗40幾年」。曾形容坐監為「火星之旅」的何秀蘭指,入獄不會是一件屈辱的事。

記者:呂浩然

何俊仁早前說過「無嘢放唔低」,今次他更豪言「坐監帶個屁股去得㗎啦!」,「成世人我都未食過阿公嘢、食阿公飯、着阿公衫,唔同佢客氣喇我,我今次使到佢盡嘞!」

李卓人:已經賺咗40年

何秀蘭不以為然,爆料指何俊仁與李卓人都是「論盡」的人,「以前喺(立法會)大樓我執到嘢,即係如果有人漏低電話,我第一個諗就係呢個阿仁,跟住第二個就係呢個阿人」。李卓人不忙向何俊仁笑說:「我唔好過你好多,但點都好過你。」

何秀蘭又指,都是楊森太太好人,特意提醒「論盡」的何俊仁入獄前有甚麼要準備。何俊仁則自爆,曾要求自己的太太不用為他入獄作準備,令太太有點不是味兒。李卓人即指着何俊仁笑說:「嗱!衰咗喇你!」

不過話說回來,李卓人慶幸月初被判罪成後,延至月中才判刑,因為暫獲兩周的自由,讓太太不用獨自面對搬新居執屋之苦,「我原本3月31日搬屋,如果我4月1日坐(監),執屋嗰下真係攞命,我自己成個復活節假我都喺度執嘢」。

「禮賓府係林鄭個監獄」

判刑前的李卓人,坦言對將來不知會否再有六四集會、民陣遊行而傷感。事隔兩周,他反而顯得有點釋懷,「我60幾歲,已經砌咗成世,𠵱家先至要坐監,已經係賺咗40幾年」。他更反問,其實他與特首林鄭月娥、建制派相比,誰更自由?「佢哋(建制派)軀體上有自由,但係其實假㗎個自由」,「如果我去選擇,我覺得我哋要嘅係生活,或者我哋嘅精神面貌係自由」。

何俊仁認同說:「林鄭咪困喺個禮賓府,禮賓府就係佢嘅監獄,佢放咗出嚟唔知點算」,「喺獄中我嘅心靈係自由,雖然我哋係困喺一個80呎嘅籠裏面」,「林鄭好似香港之首,有咁大、幾千呎嘅大屋,但佢係唔自由嘅,落到街佢驚嘅。」曾形容坐監為「火星之旅」的何秀蘭也因此覺得,入獄不會是一件屈辱的事。

信港人聰明不需大台

雖說三人無怨無悔,但畢竟年過六旬,可有想過10年後自身或香港的光景?何秀蘭充滿信心的說,「香港人冇大台,係識自己嚟,民間智慧越嚟越成熟,發展得越嚟越掂。」正如日前爆買阿布泰一事般,相信港人懂得爭取可以表達意見或態度的機會,並且在抗爭時越來越聰明。

要說暫別前,互相有甚麼叮囑對方?何秀蘭嚴正地說:「減肚,要更加健康地出嚟」,「既然大家入到去,有公家同你減鹽減糖,咁就唔該大家趁機畀啲心機做吓運動,令自己成為一個更加健康嘅人出來。」

這次輪到何俊仁取笑李卓人:「希望你出嚟嘅身材似一個真正工運嘅領袖,唔好再似肚滿腸肥。」李反駁指,紮鐵工潮那些年,「我個肚腩同啲紮鐵佬差唔多咋!」不過他亦同意說,「成日話鬥長命,健康最緊要」。他亦希望何俊仁能「瞓得着覺、平靜啲,去返一個減壓嘅生活」。

一格照片,一個故事,Follow蘋果Instagram!
BannerBanner