8.18集結案︱李卓人憂政府「加料」誣告違國安法 冀港人六四夜續點起燭光

更新時間 (HKT): 2021.04.19 14:10
李卓人稱最值得擔心的是會否突遭當局「加料」,誣告他干犯《國安法》:「我過去做嘅嘢全部公開,要『加料』唔係難,《國安法》任佢哋點詮釋,紅線任佢哋講講,係隨時可以『加料』。」資料圖片

支聯會主席李卓人因前年參與「8.18」及「8.31」兩場未經批准集會,被判入獄14個月。李卓人入獄前兩日接受多年戰友、職工盟總幹事蒙兆達D100節目「真工道」訪問時形容,今次入獄相對47名民主派因初選被控串謀顛覆國家政權罪的寃案「其實係好渺小」,對為4宗案「埋單」入獄表示坦然,稱最值得擔心的是會否突遭當局「加料」,誣告他干犯《國安法》:「我過去做嘅嘢全部公開,要『加料』唔係難,《國安法》任佢哋點詮釋,紅線任佢哋講講,係隨時可以『加料』。」

政權打壓 香港丁點自由選舉亦被「打爛」

李卓人節目中分享如何渡過入獄前的自由時光,除了與家人忙於搬屋及約見朋友,亦準備好入獄期間希望閱讀的書,相信入獄是「重新整理自己、思考嘅時間」,他亦會在獄中多寫作,包括準備其另一宗案件、10.1遊行的陳詞。他透露,入獄前已向戰友交代對一些社會議題,包括本港政發展、六四集會安排等看法,「就算我入咗去,但知道外邊啲嘢有人做落去,就可以安安樂準備靜修一段時間。」

回顧過去40多年的工運和社運生涯,今年64歲的李卓人指港府現時對人民打壓,比起港英殖民時代更赤裸,包括硬推《國安法》,及透過改變本港選舉制度,令香港丁點的自由選舉元素亦被「打爛」。

他指自己天生是樂觀者,但隨着近年未再出任立法會議員,加上社會思潮改變及《國安法》出台,「真係幾迷失」,坦言:「呢段時間真係低潮,我個樣樂觀,但真係唔知呢個黑暗時間要幾耐,幾時過去無人知」,認為在當前「歷史唔到你講」困境下,只能「繼續做要做嘅嘢」。

「燈在 人在」

談到1989年到北京聲援學運時一度被拘留,更被迫寫悔改書後才獲准返港,李形容:「我而家條命係香港人救,我亦都經歷過89民運,所以一世都係有呢個承擔,要孭住支聯會。」對於今年首度被迫缺席六四晚會,李稱最希望是維園能在六四晚重現去年畫面,認為去年大批港人面對政權威嚇下仍進入維園點起燭光,展示的力量比起過去任何一次六四集會更大,亦是他最感動和覺得「最靚」的一次六四晚會。

由於今年六四身在獄中,六四集會的重擔會由其他人肩負,李直指相信艱難度會更大,「大家都睇到政府今年咁狼,不斷製造恐懼」,但支聯會成員將堅持進入維園點起燭光,而巿民今年即使不進入維園,亦可在不同地方燃點燭光悼念,認為「人心不死已經足夠」。

他入獄前寄語港人「燈在,人在」,認為大家只要堅守崗位,包括在專業上頂住不合理要求,非政府組織和工會繼續維護行業權益,向政府提出訴求,「呢啲嘢要繼續做,大家先會有希望。」

另一工黨成員何秀蘭亦因8.18案被判囚,市民如欲寫信為李卓人及何秀蘭,信件可寄至九龍彌敦道557號永旺行19樓。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner