港青創業 視員工為親人 
英國黃店賣港貨 柴米油鹽附文宣

更新時間 (HKT): 2021.04.20 02:00

【力撐手足】在英國,提到要購買中式食品及產品,首先想起的是四大連鎖華人超市。三年前,有港人在英創立網上亞洲食品超市「華南行」,除售賣亞洲食品,也盡力引入更多香港品牌。華南行曾隨貨附送抗爭文宣、引入黃圈產品、捐錢給612人道支援基金,有人形容是英國黃店,創辦人說來淡然︰「你覺得要做、應該做,就會去做㗎啦」。

駐英記者︰李雨夢

踏進華南行位於東倫敦的倉庫,數名員工正忙着執貨,負責人Magic在電腦前埋首工作。貨櫃上有來自港、日、韓、泰、台、中的產品,熱浪薯片、樂天熊仔餅、冠益華記辣椒醬等在港常見而英國罕見的產品。

Magic於2018年創立華南行。談到創業緣起,得從大學畢業說起,當時才20出頭的他申請到英國工作假期,先後在印度及韓國的食品公司工作過,後來回港,又在太古可口可樂上班,一段時間後,還是覺得英國較適合,於是嘗試聯絡工作假期時的僱主,為他辦了工作簽證再赴英。

兩年後工作簽證將過期,迫使Magic思考下一步,最後決定創業。他坦言是受HKTV轉型HKTVmall啟發,加上英國缺乏這方面市場,覺得可以一試,於是申請Tier 1企業家簽證,華南行就這樣誕生,「以上網形式賣亞洲食品,開頭得我一個;好多人唔係住大城市,要買一種亞洲調味料,可能花椒,但搵唔到,可能上網買係最方便」。

Magic一直爭取引入多些香港品牌及產品,「我認識嘅香港牌子,好多質素好好,好似醬油類、豆豉,我用開,價錢又得, 質素又得,咪盡力做香港品牌嘅推廣」。

「好無助,最多只係不斷refresh個facebook、新聞,冇咩可以做到。」

2019年,香港爆發反送中運動,身處英國的他只能隔岸觀看,「好無助,最多只係不斷refresh個facebook、新聞,冇咩可以做到」,後來看到Telegram群組有人問,有沒有人可以在英國幫忙派發文宣,「我哋可以喎,我話我呢邊有間公司,盡力囉,派到幾多得幾多」。

那時開始,每接定單,Magic都隨貨附送文宣。「有客feedback都正面,起碼唔係擺落去冇人睇,有人留意到多啲香港嘅事情」。華南行客人不只港人,也有來自其他地方華人,包括內地人。

華南行早前引入設計平台Project R產品,包括印有「HONGKONGER」字眼衞衣及「自由之籽」帆布袋,Magic說,是透過團體認識到負責人,由於認同其信念,又認為是優質產品,故決定引入,「香港人設計已經夠珍貴,亦係台灣製造,我哋都好多台灣客同台灣產品,我哋未賣過服裝,但好產品一定有人賞識」。

從發放文宣到引入黃圈產品,去年曾將一天營業額不扣除成本捐612人道支援基金,已是一種表態,但Magic認為「我又唔覺得我哋特別好表態去做某啲嘢,有啲嘢你覺得要做、應該做,就會去做㗎啦」。

華南行目前已聘請了五、六名員工,大部份是港人。過去一年疫情肆虐,英國是重災區,曾三度封城,網購漸成趨勢,華南行售賣必需品,不用被迫停業。

獨自在外創業,Magic明言員工就是他在英最重要親人,公司維繫着每個員工生計,故也努力將華南行營運下去。

「有啲後生仔嚟到好急趕,冇咩準備,就盡力做。派現金券畀佢哋買嘢,起碼食飽飯照顧好自己。」

最近,Magic為匆忙抵英的香港年輕抗爭者提供現金券支援,希望讓他們有基本溫飽,「我哋聽到有啲後生仔嚟到好急趕,冇咩準備,就盡力做。派現金券畀佢哋買嘢,起碼食飽飯照顧好自己,佢哋一個人嚟,擔心心態上好孤單,希望畀到溫暖佢哋」。

對於華南行,對於自己,Magic強調初心沒變,「初衷係想開間網上超市,心態係有收入時你願意撥一啲去幫有需要嘅人,我一直都係咁嘅睇法,我冇變過啊」。

一格照片,一個故事,Follow蘋果Instagram!
BannerBanner