案件開審控方仍未交齊文件予辯方 官直斥:咁樣公道咩?真係唔應該囉

更新時間 (HKT): 2021.04.20 16:45

前年8⽉11⽇全港多處爆發反修例衝突,⾄12⽇凌晨有示威者在沙⽥警署外集結,警⽅清場拘捕多⼈。六男一女被控非法集結、襲警及無牌管有無線電通訊器等罪。案件原定今早在沙⽥裁判法院開審, 但主審裁判官因病缺席,主任裁判官溫紹明協助管理案件時,得悉控方今日仍有文件未交給辯方,連珠炮發批評控方:「你講真㗎?我以為我聽錯。好彩唔係我審。」「今日開(審)㗎喇喎原本,咁樣公道咩?真係唔應該囉。如果係你,你激唔激氣呀?」

主任裁判官溫紹明今透露,原定主審的裁判官崔美霞抱恙,下星期一復工,建議將案押後到下星期一開審。本案原訂審期12日,將縮減至9日。辯方同意,並透露其中第四被告將會認罪,而辯方亦不會就雷射筆專家提爭議。控方稱將有37名證人,溫官指審期既已縮短,亦有被告認罪,要求雙方休庭商量減少傳召證人。

半年前定審期 警員昨日才錄取口供

其後,溫官與控辯雙方核對證人列表時,第三被告的大律師稱,今早才收到控方交給辯方的新資料,是被告被搜身時的片段,而警員供詞更是昨日才錄取。大狀指看過片段後如不爭議真實性,不會要求傳召此拍片警員證人,但希望控方不要再中途補充新資料。

溫官問控方,是否已經交齊所有資料予辯方,外聘大律師許偉進稱仍有小部份資料未交給辯方。溫官聞言驚訝,連珠炮發詢問控方: 「你講真㗎?我以為我聽錯。好彩唔係我審啫。我一定唔會容許呢啲事發生。」溫官翻查資料,問:「單案幾時訂審期㗎?半年前喎,2020年10月7日排期,今日都未交齊。阿Mr Hui,你嗰時都喺度㗎喎。」

溫官續稱,「真係唔應該囉。你自己諗下,咁樣公道咩?如果係你坐喺度(指住辯方位置),你反唔反對?你押唔押後?今日開(審)㗎喇喎原本」。溫官再問現時是否仍有資料未交予辯方,主控稱「唔係,只係涉及好小部份」,溫官聞言稱:「即係係啦。你覺得好小部份啫,可能辯方覺得好重要!」續指:「阿Mr Hui 呀,你知咁樣係唔應該發生㗎呵?如果係你,你激唔激氣呀?」主控面有難色,只稱:「我唔可以多講嘞。」

其後在溫官協助下,雙方同意只需傳召16個證人,並有一個證人預留讓辯方盤問,比控方稱雙方協調後仍要求傳召24人為少。溫官此時稱,認為控方不應傳召不必要的證人,如一些過程沒有爭議的話,雙方可用同意案情方式處理。溫官指原本今日開審,只因裁判官抱恙才會有如此奢侈的時間做案件管理,「唔係傳晒咁多個證人嚟呀?」

質疑控方有時問不重要問題「你哋由幾時加入學堂開始問起喎」

溫官並說,有時控方向證人發問與案無關的問題,變相令到裁判官「罰抄」,「你哋唔係由案發嘅時候問起喎,你哋由幾時加入學堂開始問起喎。我哋喺度抄抄抄,抄完先知唔關事,咁樣好痛苦㗎。浪費時間,浪費公帤,我哋啲人工都唔係平㗎。」

溫官將案件押後至下周一開審,屆時將會由裁判官崔美霞繼續審理案件。

案被告依次為無業漢區嘉偉(25歲)、公務員李⼦豪(26歲)、甜品店侍應葉盛富(22歲)、助理⼯程師楊基樂(24歲)、數碼市場職員蔡承志(23歲)、運輸⼯何皓賢(25歲)及女⽣林嘉慧(19歲)。

七⼈被控在沙⽥警署外參與非法集結。首被告區嘉偉另被控當晚在沙⽥⽲輋邨順和樓外襲擊警察楊竣然、在公眾地⽅管有攻擊性武器及無牌管有無線電通訊器具三罪,即涉同⽇同地藏有⼀個能發出雷射光束的裝置,及⼀個無線電收發器。第三被告盛富另被控⼀項無牌管有無線電通訊器具罪,即同⽇同地無牌管有⼀部無線電收發器。女⽣被控在公眾地⽅管有攻擊性武器罪,即發出雷射光束的裝置。

案件早前提訊時,代表葉的⼤狀曾表示,葉看到有不知名被捕⼈⼠遭警員「打到成頭都係⾎」,然後該被捕者被帶到廁所後發出慘叫聲,有便衣探員繼⽽問葉:「係咪想好似呢個⼈⼀樣?」

【案件編號:STCC1188/20】

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner