李八方online︱去瑞士一定食瑞士雞翼 林鄭叫人去海南島食海南雞飯

更新時間 (HKT): 2021.04.21 18:31

今日有冇人問大家:幾時去海南島食海南雞飯呀?

身在海南出席博鰲亞洲論壇嘅特首林鄭月娥,今日又出post宣傳大灣區,同時幫海南賣廣告,話好希望見到青年人去海南實習、就業、創業,同埋「享受椰林樹影和港人喜愛的海南雞飯!」於是,又引起網上一片熱議。

喺連登就會見到,唔少人都討論究竟海南雞飯係咪來自海南呢個問題?有說法話,海南雞飯係源自海南島文昌市,所以海南雞飯又叫「文昌雞飯」,只係傳到去東南亞先發揚光大。

而根據維基百科,海南雞飯係「被認為是海南島的名菜」,但其實「普遍流行於南洋」,特別係有唔少華人嘅星馬泰。而食肆水門泰式海南雞飯專門店亦出po話,「香港人偏好星馬/泰式海南雞飯」。

正如福建炒飯唔係來自福建,瑞士雞翼唔係來自瑞士一樣,其實海南雞飯係咪來自海南,真係咁重要咩?不過今時今日嘅香港,林鄭話係就係,否則你就係別有用、居心叵測、造謠抹黑㗎喇。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner