半億觀塘音樂噴泉啟用40秒疑一度故障暫停 市民嘆沙田新城市舊噴泉「勁好多」

更新時間 (HKT): 2021.04.22 21:11

耗費5,000萬公帑的觀塘海濱音樂噴泉今日(22日)起啟用,音樂噴泉表演亦於下午1時半首次亮相,吸引過百名市民圍觀,旁邊的互動嬉水區有多名幼童玩水。噴泉表演開始40秒後,一度暫停約1分鐘,引起市民譁然「咁就完咗?」其後再重新開始表演,並播放數首古典音樂配合水柱變化。多名圍觀的市民均表示,噴泉表演水平普通,沒有任何特別之處,水力亦比其他噴泉弱,認為設施不值得花費5,000萬公帑。

佔地逾3,000平方米的觀塘海濱音樂噴泉,設有音樂噴泉、互動嬉水區及休憩草地,每日提供3至5節音樂噴泉表演。下午約1時半,音樂噴泉準時開始表演,但噴水約40秒後,卻突然暫停約1分鐘,其後才重新有音樂及水柱變化,未知最初是否出現故障。整個噴泉表演持續約25分鐘,其間播放數首古典音樂,但因下午烈日當空,表演未有任何燈光效果,整體觀感較普通,噴泉水力亦甚弱,與噴泉設施本身的體積形成巨大對比。

嬉水區設感應裝置 遊人走近噴各式水柱

有逾百名市民日間在場欣賞表演,普遍均認為表演水平普通,但噴泉旁邊的互動嬉水區,則有多名幼童玩得樂極忘形,連口罩都濕透。嬉水區內的噴水口設有感應裝置,感應到遊人接近時,會噴出不同花式的水柱。

在觀塘區上班的陳小姐指,自己散步時順便經過欣賞音樂噴泉,但認為表演100分滿分只值50分,「以前細個喺沙田(新城市廣場音樂噴泉)睇嗰個勁好多」,批評設施性價不符比例。陳小姐又質疑,政府如何分配5,000萬公帑建造噴泉,「唔通愛嚟買晒啲歌曲嘅版權,所以搞到咁貴?但係佢都係播返好general嘅古典音樂」,又認為在現時疫情的艱難時刻下,政府更應將公帑用於回饋市民。被問到會否再次到場欣賞,陳則指「會!咁樣先抵返條數㗎嘛」。

小朋友忘形玩水 家長斥噴泉表演冇特別

九龍區居民市民葉小姐和兒子專程到場欣賞音樂噴泉,雖然其兒子對表演感到「好開心」,但葉則表示「唔大期望,好普通咋喎,以為會有啲好特別嘅表演」。葉小姐又表示,到場欣賞表演後,感覺噴泉造價不值5,000萬公帑,批評表演並無特別之處,日後再到場亦只會陪兒子玩水,不會特意欣賞噴泉表演。

住附近的觀塘街坊胡太,其兩名子女在互動嬉水區玩至全身濕透、樂極忘形,胡笑稱設施「好玩」,但自己未有為子女帶備後備衣物。胡太認為,音樂噴泉啟用後,未來有地方可以予子女耍樂,故會經常到場欣賞表演及嬉水,「多個地方玩,小朋友成日喺屋企悶住」。被問到噴泉是否值5,000萬公帑,胡則意味深長般笑言「都可以接受」。

區議員斥不如澳門賭場表演 應用公帑惠及民生

與一眾區議員到場視察音樂噴泉的觀塘區議員鄭景陽指,表演水平與想像中差別不大,認為僅屬普通水平,「因為佢講咗水力唔會太強,亦都未必有太多變化」,批評連澳門賭場的噴泉表演亦不如。他又表示,噴泉絕對不值5,000萬公帑,指觀塘是最貧窮的社區之一,政府更應以公帑落實惠及民生的政策,「有啲可惜嘥咗個機會做啲惠及民生嘅嘢」。鄭續指,未來會在區議會繼續關注噴泉的使用情況,「同埋都會了解吓仲有咩變化可以做到,如果得而家呢個表演,係有少少失望」。

「睇一次梗係唔值啦」

噴泉於晚上7時半舉行首場晚間表演,吸引過百名市民駐足觀看。保安事前以大聲公提醒表演尚有5分鐘就開始,惟未聽到4人限聚令或提醒保持社交距離的警告。噴泉在7時25分左右,先「試噴」一段無伴奏的「熱身」;至30分表演正式開始,與日間場次較明顯的分別,就是夜間場有音樂配合燈光效果,不少市民舉起手機拍攝。

至8時半,另一場表演開始,再有逾百市民觀賞。

退休人士陸先生說,從新聞報道得知有表演看,故專程帶同閃光燈和長鏡頭等專業攝影裝備到場拍攝,「都幾好,香港冇呢啲咁嘅嘢嘛!呢啲環境有個地方睇吓都好嘅。(點解咁講?)今日唔會有人拉吖嘛,限聚令嘛,慳返5,000(元)」。被問到噴泉造價逾半億,他稱,「5,300萬抵呀,相當抵。香港(政府)有錢嘛,但我哋市民冇得享受,咁你畀幾千萬出嚟畀我哋享受吓,好應該」。他又說,香港人怨氣重,「俾水沖吓佢係咪好呢?」

6歲的吳小朋友說,觀塘音樂噴泉比K11音樂噴泉表演好看,「因為呢度有歌」,亦對有得嬉水感到開心。其父吳先生稱表演「幾好睇」,今日看到報道後,晚上特意由九龍城前來觀看表演。被問到逾半億造價是否值得,他說「好難講」,「睇長遠囉,睇一次梗係唔值啦。(咁會否多啲嚟睇?)都會嘅,有時間就帶小朋友嚟玩吓睇吓」。

觀塘區街坊葉女士說,每天都會來海濱晨運,惟先後錯過今日日間及夜晚7點半的表演場次,會等待8時半的表演。她指,當局宣傳不足,令街坊難以得悉場次,「個仔上網睇到,講我聽8點半有」。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner