扮貼心攻寂寞男女 冷靜期後變臉

更新時間 (HKT): 2021.04.23 02:00
■中醫仔Sam愛用貓狗合照作頭像,營造有愛心的錯覺。受訪者提供圖片

「我鍾意佢成熟,成日同我傾心事。」Jacky認識中醫妹Heidi隔天,便約見中醫,付萬多元中藥費的他,即使其後知道被當水魚,仍不願觸破情緣泡沫,坦言「我唔想失去個女性朋友呀。」其實立心劏客的中醫妹、中醫仔攻心為上,為防事主冷靜期退款,會繼續扮演乖女、暖男,當一切成定局後便變臉。有事主坦言,被騙去信任才是最大傷害,現已不敢於網上結識異性。

Jacky憶述,「我唔想佢難做,咪簽咗萬幾蚊睇中醫囉。」他起初不認為Heidi利用他,因簽卡付款後數天,對方仍提醒他依時服藥覆診,「感覺佢真係好關心我」。

當得悉記者放蛇,他反而擔心「係咪篤爆咗?佢覆message慢咗好多,同以前好唔同。」更稱當時仍希望自己是例外。

「中醫仔」隔空陪女事主食藥

有女事主也因對方溫柔攻勢而入局,劉小姐結識中醫仔Sam不久,對方便跟她盡情傾訴,包括父母離異、曾遭欺凌等,又交代行蹤,「感覺係一個好真嘅人,會講好多自己嘢畀我聽。」最攻心是對方竟「會問我有冇M痛、頭痛嗰啲。」

數天後,Sam成功𠱁劉女見中醫,劉終花13,800元預繳中醫藥費,二人離開時Sam又出招稱「買個杯畀我飲藥。」三天冷靜期內,Sam仍暖男上身交足戲,每日準時問她「食藥未?」又傳中藥相給劉,稱自己正「隔空」陪她服藥。

對被Sam所騙,劉稱「覺得係呃咗信任,感情又未到嘅。」直言日後不再使用交友App,「覺得(騙案)防不勝防」。

一格照片,一個故事,Follow蘋果Instagram!
BannerBanner