劉頴匡獄中改編林家謙新歌

更新時間 (HKT): 2021.04.23 02:00
■黃于喬邀請阮民安及音樂人晴天林唱出男友劉穎匡還柙心聲。

【本報訊】47名民主派因參加初選被控違反國安法下串謀顛覆國家政權罪,當中36人未審先囚被還柙。已還柙逾50日的劉頴匡在獄中喜歡聽歌改歌詞,女友黃于喬為他新譜歌詞拍MV,皆因「劉頴匡剩番文字出到嚟」。「快必」譚得志繼續適應獄中生活,自言貼信封動作越見純熟,更說「好想食西餐」。

身在獄中的劉穎匡繼續改編歌詞,昨其女友在fb發文,指劉改編唱作歌手林家謙新歌《神奇的糊塗魔藥》,她指這歌「發佈咗不夠一個月,意味着匡只能夠喺收押所,透過收音機草草聽過幾次,已經可以改編咗全首詞出嚟,都幾叻仔」。

女友邀阮民安合作拍MV

她指「表面上咁輕描淡寫,但內容都幾真實,尤其是嗰種分隔『十個春秋』嘅無奈,喺咁輕快嘅音樂下更覺沉重」,怪不得劉說作詞時都忍不着落淚。

前日黃忙於為劉重新填詞的林宥嘉歌曲《想自由》拍MV,還邀請藝人阮民安和二創音樂人晴天林演唱,她指「呢首歌其實就係佢喺1月6號俾人拉咗後,喺警署入面嗰48個鐘諗出嚟嘅,相信正反映到佢當時個心態」。歌詞中提到「殘暴者都不會憐憫,良善者只可以頑固抗爭」、「指鹿為馬,真都變假」等,令同路人甚有共鳴。她續指:「創作對佢嚟講係一個好重要嘅部份,亦反映到佢嘅意志,同埋鬥志,佢𠵱家剩返文字可以出到嚟。」

快必譚得志在還押日誌中表示,「上咗船咁耐,都冇食過西餐,冇沙律食,好慘咁」。他不忘苦中作樂,記述日前吃了有西芹、甜豆、翠玉瓜的「中式all green salad」,只食菜不食飯,自覺「輕飄飄可以飛出銅牆鐵壁」,自言「可能睇完《梵谷傳》,想像力超豐富」,又指「黐信封嘅手藝越嚟越快速,唔使一個鐘頭就已經有『成就』了」。

一格照片,一個故事,Follow蘋果Instagram!
BannerBanner