醫管局逼6.5萬員工每周快測

更新時間 (HKT): 2021.04.23 02:00
■庾慧玲

【本報訊】醫管局繼要求5,000名照顧體弱及末期病人的員工每周進行快速抗原測試後,下月10日起將計劃擴至全港6.5萬名須接觸病人的前線員工,醫管局總行政經理庾慧玲指出,已完成接種兩劑疫苗的員工則可獲豁免,但她並無正面回應是否屬強制措施,只稱相信員工認同此舉可保護病人及樂意進行,如員工不便檢測,部門會與相關員工溝通及提供協助。

馬仲儀質疑試劑準確性

公共醫療醫生協會會長馬仲儀表示,近日已「收到風」,但局方至今未諮詢職方工會,「上次聲稱屬自願,雖然佢冇用強制字眼,但今次唔再強調自由啦,相信佢內裏好想去做」。她質疑本港疫情緩和沒有發生醫院大爆疫下,要求所有前線醫護進行定期檢測的理據,「有冇試過員工傳畀病人呢?何況現時香港本土感染低,理據喺邊度呢?」她又關注部份外判員工未必懂得正確進行快速測試,擔心會影響測試的準確性,「佢可能以為做咗測試係陰性,就算有病徵,都會掉以輕心,唔睇醫生。」醫管局員工陣線副主席羅卓堯則關注完成接種兩劑疫苗的員工可獲豁免檢測,「我哋唔係反對打針,但接種疫苗並非100%保護,如果打咗針後,就唔需要做檢測,將呢兩樣嘢對立就有問題。」

一格照片,一個故事,Follow蘋果Instagram!
BannerBanner