查冊有罪︱工會擺街站反收緊查冊 派艾未未「中指」卡片籲「揸緊宗旨唔好慣」

更新時間 (HKT): 2021.04.25 00:14

《鏗鏘集-7.21誰主真相》編導蔡玉玲因採訪查冊車牌,被法院裁定「虛假陳述」罪名成立,判決更將查冊用途收窄至須與申請人自身有關。事件引起社會大眾關注,除了新聞界以外,會計、地產代理等其他會進行查冊的行業亦受影響。有工會發起街站,收集巿民的簽名聯署,反對政府收緊查冊的安排,並向巿民派發解釋收緊查冊對他們影響的單張。

白領工會與會計手足工會,今日到銅鑼灣東角道行人專用區擺街站,收集巿民的簽名聯署,反對政府收緊查冊的安排,並向巿民派發印有艾未未的攝影作品《透視研究》的透明卡片,呼籲巿民「揸緊宗旨,千祈唔好慣」。街站亦同時派發印有解釋收緊查冊對巿民影響的單張。

白領工會代表:查冊關乎一切與公眾利益有關的真相

擺街站的白領工會代表黃小姐指,港台編導蔡玉玲即使不是以查冊獲得的資料作違法用途,亦被定罪,令人擔憂公眾會否在不知情的情況下墮入法網。她強調,是次已非政府第一次試圖收緊查冊安排,但查冊關乎一切與公眾利益有關的真相,並非只有記者及商業公司需靠查冊發現利益衝突,即使是普通的打工仔,亦會用到查冊:「對於普通嘅打工仔嚟講,就算你想上勞(資)審(裁),想上小額錢債,向你嘅僱主追討欠薪等等,你都要自己查冊去搵到公司正確嘅聯絡資料先可以」,直指現時的安排會令公司透明度盡失。

她亦認為,有關的修例將會引發投資者對香港的信心問題,「有好多嘢係條例寫咗,都未必係咁實行,更何況佢依家係要改例,要改咗依個查冊嘅法例」,指公眾將會失去公開及直接的途徑去獲得公司資料。

政府早於2013年已試圖收緊查冊安排,惟當時礙於反對聲音眾多,最後未有成事,但在8年後的香港,公眾知情權不停被收緊、言論自由空間不斷收窄的情況下,黃認為香港人需以「更加多嘅行動、更大嘅聲音」去表達,同時呼籲社會不要習慣不公義之事:「香港人係唔應該去習慣依啲不公不義嘅事,包括收緊查冊係其中之一,包括蔡玉玲記者因為查721嘅車牌而被控虛假陳述罪成,都係唔公義嘅事之一。」

零售批發界人士嘆對工作影響極大 勢必影響港營商環境

從事零售批發的李先生直言,收緊查冊的安排對自己的工作造成很大影響,指若然不知道進行交易的公司的背景資訊,公司無法冒險「賒數」,有關安排對他影響極大。被問及是否擔心香港的營商環境受影響,他回應指「唔駛擔心嘅,依樣嘢一定會發生嘅」。

除了影響自己公司,他指有關安排亦會影響社會大眾,認為知情權對港人至關重要,質疑失去知情權下,貪污等非法勾當如何受監視,形容知情權是香港社會的核心價值之一,「無權嘅人永遠都係做唔到嘢嘅」,因此聯署簽名,雖然對於政府會接納意見毫不樂觀,他指「我(聯署)只係想話俾政府聽,我係唔滿意囉」。

市民質疑保障個人私隱辯解

巿民鄭先生得知港台編導蔡玉玲因查冊被定罪,指「如果咁樣都係犯法嘅,就搞笑啲囉;個感覺好似依家咩都唔做得囉,佢(政府)話你犯法就犯法,好似乜都佢講晒」。

對於特首表示,有關修訂是為保障個人私隱,他質問「保障個人私隱呀?睇下佢個政策係保障啲咩人嘅私隱先?」認為有關舉動只會削弱公眾知情權,令政府的權力及不公正的事不受監察。

雖然他的日常生活不會直接受有關修訂影響,他形容只是「暫時未燒到埋身」,擔憂「到時真係自己有需要做依啲嘢嘅,到時可能你會覺得自己會唔會犯咗法而避忌」,認為收緊查冊將限制巿民的基本權利,讓巿民因擔憂誤墮法網而在有需要時亦不敢查冊。

「香港返番去無ICAC嘅年代」

沒有上班的林太指,政府收緊查冊安排是一個很大的倒退,「香港而家應該係會返番去六、七十年代,無ICAC(廉政公署)嘅年代」,指現時廉署已沒有太大作為,再收緊查冊的話,會令違法的行為更難被監視,直言「影響我就唔係好多,但係全香港就好影響。」

她指,收緊查冊的負面影響,現時已能看到,指香港已出現撤資潮,又認為有關安排對巿民的影響很大,「就算我係撞車都好,我check唔到(車牌)咁樣喎。」在香港土生土長的她,坦言很心痛。對於蔡玉玲成為7.21 事件首名被入罪的「被告」,她表示 :「好憤怒,係非常之憤怒!」

警方登記工會成員資料索單張 全程錄影街站活動

活動開始前約15分鐘起,已有警車停泊在怡和街,並有至少5名便衣警員及軍裝警員下車戒備。工會成員準備街站時,有便衣警員上前,並登記成員的資料及索取工會將會派發的宣傳單張。街站活動期間,警方全程均有進行錄影。

-----------------------------

蘋果App大升級 更簡潔更就手!了解更多立即下載體驗

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

一格照片,一個故事,Follow蘋果Instagram!
BannerBanner