社民連小粉絲變長毛摯友

更新時間 (HKT): 2021.04.25 02:00
■陳皓桓自幼已是社民連粉絲,長大後更成為長毛戰友。

【本報訊】25歲的民陣召集人陳皓桓因前年和去年多次發起和參與「公民抗命」被捕,身負四案共14宗控罪。面對倒數的自由時間,陳皓桓除忙於主持網台節目、頻頻回應政治事件,最常就是探望在囚及還柙的戰友,因「我𠵱家可以再去監獄見到長毛、見到岑子杰,見到其他我哋嘅手足,但我坐監嘅時候就見唔到……」

把握自由探戰友

陳皓桓小學時已是社民連忠實粉絲,曾任長毛梁國雄議員助理,在私亦是長毛摯友。長毛還柙前就幾乎每晚約他飲酒傾談,「我同長毛10.1、10.20、六四、七一都同案,我同佢感情深厚好多、感情好重,所以我都好擔心佢……唔該佢做吓運動啦」。

還柙的長毛多次向探監者稱最擔心陳,令不少人均極為關注陳的情況,陳哭笑難分:「我話你哋再擔心我,我就真係無嘢變有嘢嘞!OK?」陳指早前探望長毛時,對方「口硬」否認關心自己,「我話你(長毛)唔使擔心我,佢就話我唔係擔心你,我係擔心自己啫!」

面對可見的牢獄之苦,陳淡然說不少還柙和在囚的民主派都比他年輕,包括24歲的黃之鋒、鄒家成和梁晃維,並指很多中年、老年人亦有在運動付出,「我覺得老年人付出先大喎,好似Martin(李柱銘)咁,佢都話如果佢審完、坐完,都唔知仲喺唔喺度」,又指相信72歲的黎智英、64歲的毛孟靜應更辛苦,「我哋呢啲好小事㗎咋,年輕人坐監反而仲頂到,唔好諗住年輕人特別啲」。

他特別囑咐記者向還柙的梁晃維補祝「生日快樂」,透露自己與梁和彭家浩均生於4月3日,「梁晃維透過岑子杰同我講生日快樂,我知佢哋有喺(拘押所)入面慶祝,我都想親自同佢講句生日快樂」。

一格照片,一個故事,Follow蘋果Instagram!
BannerBanner