身負4案料入獄在即 陳皓桓叮囑牆內人長毛:唔使擔心我

更新時間 (HKT): 2021.04.25 00:15

陳皓桓因前年和去年多次發起和參與「公民抗命」被捕,先後以個人身份發起前年的10.1遊行、10.20遊行,以及去年的六四集會和7.1遊行,令他身負4案共14宗控罪。面對正在倒數的自由時間,陳皓桓除忙於主持網台節目分析時事、頻頻回應不同政治事件,做得最多的就是探望在囚及遭還押的戰友,「(因)我而家可以再去監獄見到長毛、見到岑子杰,見到其他我哋嘅手足,但我坐監嘅時候就見唔到……」

陳皓桓小學時期已是社民連忠實「粉絲」,曾任長毛議員助理的他,在私也是長毛的摯友,長毛還柙前就幾乎每晚約他飲酒傾談,「我同長毛10.1、10.20、六四、7.1都同案,我同佢感情深厚好多、感情好重,所以我都好擔心佢……唔該佢做吓運動啦」。25歲的他對今年65歲、長期有腰痛問題的長毛的身體狀況表示關注,他亦相信自己一旦入獄,最放不下和恐懼的是與外界斷絕、與友人產生的疏離感,「最放唔低係呢啲朋友嘅感情」。

指年輕人坐監料「頂到」 相信黎智英、毛孟靜更辛苦

被還押的長毛多次向探監者稱最擔心的人正是陳皓桓,結果令不少人探監後都極為關注陳皓桓情況,陳哭笑難分:「我話你哋再擔心我,我就真係無嘢變有嘢嘞!OK?」陳指早前探望長毛時,對方「口硬」否認關心自己,「我話你(長毛)唔使擔心我,佢就話我唔係擔心你,我係擔心自己啫!」笑指有關回應令他內心不禁「X咗一聲」。

面對可見的牢獄之苦,陳皓桓只淡然說,現時不少還押和在囚的民主派都比他年輕,包括24歲的黃之鋒、鄒家成和梁晃維,並指很多中年、老年人亦有在運動中付出,「我覺得老年人付出先大喎,好似Martin(李柱銘)咁樣,佢都話如果佢審完、坐完,都唔知仲喺唔喺度」,又指相信今年72歲的黎智英、64歲的毛孟靜目前應該更辛苦,「我哋呢啲好小事㗎咋,年輕人坐監反而仲頂到,唔好諗住年輕人特別啲」。

與梁晃維同月同日生日 補祝「生日快樂」

2018年起擔任民陣副召集人、2020年接任召集人的陳稱,過去兩三年因為社會運動和政治檢控四出奔波,「無乜時間去玩」,本月4月3日在友人陪同下慶祝25歲生日。談到生日願望,他說除希望因《國安法》被捕的民主派能盡快獲釋,另一願望則是想到日本或英國旅行,笑說:「我想去日本環球影城,因為入面有哈利波特;英國就因為有國王十字車站,我好鍾意哈利波特」,惟因護照被沒收,注定無法實現。

他特別囑咐記者向仍還押的梁晃維補說「生日快樂」,透露自己與份屬好友的中西區區議員梁晃維和彭家浩都生於4月3日,「梁晃維透過岑子杰同我講生日快樂,我知佢哋有喺(拘押所)入面慶祝,我都想親自同佢講句生日快樂」。

-----------------------------

蘋果初心不變!26周年「撐蘋果Tee」預售:

你的優惠訂購海外訂購按此

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

一格照片,一個故事,Follow蘋果Instagram!
BannerBanner