西環集中營︰老泛民:大不了做返壓力團體(季陶)

更新時間 (HKT): 2021.04.26 02:00
■民主派要考慮的不是單純在今次立會選舉中「選定唔選」,而是民主派各大政團日後要如何定位發展。資料圖片

近日先後多名民主派中人接受訪問,探討主流民主派應否參選「完善」選舉制度下的立法會選舉,當中有人支持、反對、又或持觀望態度。

有民主派中人直言,民主派現在要考慮的,不是單純在今次立會選舉中「選定唔選」,而是目前民主派各大政團日後要如何定位發展,「究竟係仍然爭取入議會,定係選擇離開議會建制呢條路,重回當年冇選舉時候嘅壓力團體路線?」

料選委會選舉後扑槌

該民主派人士認同民主黨李永達在訪問中說,若北京容許民主黨選,一定會給民主黨人提名及入閘,但正如李所言,這並非「有得選同冇得選咁簡單」,「正如阿達講,入面涉及係咪北京屬意嘅民主黨人先可以選、係咪畀你選到之後就要回報?呢個已經唔係有冇得選嘅問題,好似阿達嘅分析,係涉及個黨嘅立場,同埋係咪堅守底線嘅問題」,他認為這些才是更重要議題,「民主派決定選唔選之前,要先諗清楚呢堆問題,因為呢啲係長遠嘅定位,唔單係今次選唔選嘅問題」。

另一政界人士表示,他接觸的一些主流民主派人士對參選立法會仍然不太認同,「佢哋同意作為政黨,唔參選係講唔過去,但係咪因為要參選,就好多嘢都要妥協?」

有些老泛民更認為,若真的要妥協才能參選,「大不了縮返去當年未有選舉嘅時候,變返做壓力團體嘅身份,起碼可以堅持原則」。

他又相信主流民主派內對應否參選討論會繼續,「我估最快要到選委會選舉之後,睇埋個結果,主流民主派先會有決定」。

一格照片,一個故事,Follow蘋果Instagram!
BannerBanner